Hombernan arma cu rifle a los tiro den diferente area na Vienna, matando 3 persona y heridando varios mas, polis a bisa.
Cansiyer Austriaco Sebastian Kurz a yama esaki un “atake terorista repulsivo” y el a bisa cu un di e hombernan aki a wordo mata.
Polis tawata en busca di un minimo di un homber cu ainda tawata fugitivo, segun e minister di interior.
E tiramento a tuma lugar cerca di e synagogue central di Vienna, pero ainda no a sali na cla, si e synagoge tawata e blanco di e teroristanan.
E hefe di polis di e ciudad a bisa cu dos homber y un muher a wordo mata. Por lo menos 12 otro hende a wordo herida, segun oficialnan.
E atake a tuma lugag algun ora prome cu Austria a impone restriccionnan nobo pa purba evita e plamamento di coronavirus. Hopi hende tawata disfrutando na bar y restaurantnan cu awor ta cera te cu fin di November.
Polis a bisa cu e incidente a cuminda mas o menos 8 or di anochi di dialuna pasa, banda di e synagoge di Seitenstettengasse, na unda un homber arma a tira ariba personana pafo di cafe y restaurantnan.
Un polis a sufri herida di bala prome cu otro polisnan a tira e homber, cu tawata arma cu un rifle automatico, un pistola y un machete.
Lider di e comunidad Hudiu, Oskar Deutsch, a tweet cu e synagogue tawata cera na momento cu e atake a cuminsa.
Un guardia di seguridad di e synagogue a wordo herida, segun e corant Kronen Zeitung.
No tawata sigur cuanto persona tawata forma parti di esnan cu a tira. Segun media Austriaco, un persona a wordo aresta.
Videonan ariba social media a mustra hendenan coriendo door di e cayanan, mientras cu tironan tawata zona.
Como parti di e operacion anti-terorista cu a inicia, polis a urgi hendenan pa evita e area y no uza transporte publico. Baricadanan a wordo pone rond di e centro di e ciudad.
Minister di interior Karl Nehammer a bisa cu e fugitivo cu a scapa ta “arma y peligroso”.
El a bisa den un conferencia di prensa, cu diamars no lo tin scol pa muchanan na Vienna.
Fuente: BBC