Home Politics Michelle Brooks: E dialogo aki ta necesario pa compronde situacion y...

Michelle Brooks: E dialogo aki ta necesario pa compronde situacion y yuda nos pais miho

SHARE

 

 

ORANJESTAD – Michelle Brooks tabata invita recientemente na e session di brainstorming ‘Turismo den Perspectiva: Scucha, Pensa, Recupera Mihor.’ Como un expert den recurso humano y facilitador di entrenamento, Brooks a indica cu el bay cu un hopi bon impresion for di e encuentro ya cu e ta kere cu e tipo di dialogo aki ta necesario, specialmente cu nos tin cu conscientisa e ciudadanonan di pais Aruba pa cu e situacion. 

Brooks ta splica su pensamento indicando cu e ta ripara con hopi dhende ta cana rond manera bida ta normal; manera semper. “Pero bida no ta normal mas. Tur hende ta papia di e new normal, pero kico esey kier men pa nos como ciudadano di Aruba?”

E tipo di combersacionnan aki, e dialogo cu a wordo habri cu tur e diferente instancianan awenochi ta yuda nos tur pa nos por yuda nos pais di Aruba pa por sobrevivi loke nos ta bibando den dje. E encuentro tabata organisa pa Partido di Pueblo Arubano (AVP) caminda a invita representantenan di sector turistico, comercial y sindical pa trece nan preocupacion y ideanan dilanti.