Home » KUERPO POLISIAL KÒRSOU: Polis ta urgi tres sospechoso pa entregá nan mes.

KUERPO POLISIAL KÒRSOU: Polis ta urgi tres sospechoso pa entregá nan mes.

by Admin
0 comment 81 views

Departamento di reshèrshi ku ta enkargá ku investigashon di kasonan di homisidio, ta hasi  un yamada urgente i serio na tres (3) sospechoso pa entregá nan mes den 2 bia 24 ora na  polis. 

Ta trata di sospechosonan relashoná ku e siguiente kasonan aki: 

1) Dos kaso di tiramentu ku morto komo konsekuensia riba respektivamente 6 di  yanüari 2020 na Ser’i Papaya (komunikado di prensa 008/2020) i 16 di sèptèmber  2020 na Brievengat (komunikado di prensa 366/2020); 

2) Un kaso di hinkamentu ku morto komo konsekuensia di 22 mei 2020 na Veeris  (komunikado di prensa 215/2020). 

Polis ta atvertí, ku si e sospechosonan aki no duna oido na e petishon aki dor di bin entregá nan mes boluntariamente den 2 bia 24 ora, ku lo publiká nan nòmber i potrèt den  medionan di komunikashon i riba retnan sosial. 

Nota pa redakshon – no pa publikashon 

Pa mas informashon bo por tuma kontakto ku Departamento di Komunikashon i Prevenshon na e numbernan di telefòn  8666-150 / 8666-152 / 8666-153/ 524-2480(selular) 

Orario: djaluna pa djabièrnè di 8.00 – 22.00 or; 

  • Por yama durante di dia i den wikènt pa hasi entrevista i despues di 22.00 or por tuma kontakto ku:   • bosero suplente di Kuerpo Polisial Kòrsou Alto Inspektor Imro Zwerwer na number di telefòn 5242403.

SIRBI I PROTEHÁ 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio