Home » Election Estados Unidos 2020: Biden y Trump

Election Estados Unidos 2020: Biden y Trump

by Admin
0 comment 52 views

Presidente Donald Trump y su contincante democratico Joe Biden, a pasa e ultimo oranan tratando di convence votadornan den e estadonan di mas critico.
Biden a campaña na Pennsylvania y Ohio, mientras cu Trump a pasa tempo na Wisconsin, Michigan, North Carolina y Pennsylvania.
Polls nacional ta sugeri un ventaha pa Biden den eleccion di diamars.
Pero su ventaha den algun estado ta menos grandi, y esaki lo por ta decisivo pa e resultado final.
Caso 99 miyon hende a vota caba den votacion preliminar.
Den eleccion na Estados Unidos, votadornan ta dicidi na nivel di estado en bes di na nivel total.
Pa wordo elehi presidente un candidato mester gana un minimo di 270 voto den locual ta wordo yama electoral college. Tur estado Mericano ta haya un cantidad di voto parcialmente basa ariba su populacion, cu ta suma un total di 538 voto electoral.
E sistema aki ta splica dicon ta posibel pa un candidato haya e cantidad mayoritario di voto nacional, manera Hillary Clinton na 2016, pero toch perde eleccion.
E votamento di diamars ta sosode memei di e pandemia di coronavirus. Merca a raporta mas caso y mas morto cu ningun otro pais na mundo, cu 81.000 infeccion nobo diadomingo pasa.
Mientras e pais ta contando e oranan pa finalisa e votacion, e miedo ta reina, cu por bin casonan di violencia despues di eleccion. Negoshinan na Washington DC y New York City ta clabando nan vitrinanan sera, pa evita posibel daño.
Fuente: BBC

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio