Home » Lider di fraccion Marlon Sneek: Trahadonan di Triple A no ta friends and family y Minister no ta duna cara pa nan

Lider di fraccion Marlon Sneek: Trahadonan di Triple A no ta friends and family y Minister no ta duna cara pa nan

by Admin
0 comment 59 views

E presion riba trahadonan di Triple A ta hopi grandi, caminda practicamente e trahadonan no tin mucho opcion pa scohe y ta wordo presiona den un forma nunca antes bista den un compania estatal, pa tuma un areglo sino nan lo tin cu bay cas cu algo, cual no ta mustra nada alentado. 

Marlon Sneek lider di fraccion di AVP den Parlamento, a mustra cu loke ta pasando ta algo increibel, un tipo di abuso combina c’un sistema di persecucion caminda trahadonan constantemente ta wordo acosa y persigui pa tuma nan retiro of scoge pa un posicion menos y cu menos salario. 

Segun sr Sneek tur e desaroyonan aki na aeropuerto ta un mal ehempel cu Gobierno ta manda pa e sector laboral caminda e sector comercial ta tuma nota cu hasta un compania di Gobierno, cu a haci uso di fase, cu tin miyones na banco y cu ta un compania a gana miyones di florin ultimo añanan, ta haci e cosnan aki cu trahadonan.

“No ta por nada un lider sindical a bay c’un grupo di trahado di Triple A na oficina di Minister Dangui Oduber, pa busca claridad riba kico ta pasando.  E forma di procede aki ta hustifica sigur ora cu mira e forma con Minister Oduber y su gobierno a bin ta tratando trahadonan di nos aeropuerto.

No tin respet y e Minister no kier bin Palamento, en cooperacion cu Presidente di Parlamento kende no kier yama un reunion publico pidi pa fraccion di AVP varios luna pasa y e accion aki ta bolbe confirma e desesperacion cu ta biba bou di e trahadonan pa e trato di abuso aki cu a bin ta tumando luga.

Gobierno mester brinda trahadonan di Triple A un oportunidad husto, ya cu no por ta posibel cu ta pone condicionnan pa trahadonan retene nan traboum, cu ta menos cu loke nan a bin ta acumulando pa varios aña di servicio.

Pa fraccion di AVP e cos aki ta inaceptabel caminda sigur den un aña 2020 di pandemia y aki tin cu mustra cu hopi aña pasa, tabatin abolicion di esclavitud, ya cu loke Triple A ta haciendo ta esclavitud moderno.

Estilo di ami ta manda riba bo y so bo no gusta bo laga y awe tin cu dicidi ya cu no dicidi mesora, lo core cu e trahadonan caminda si nan firma awo, nan lo haya mas y si firma despues nan lo haya menos.

Pues un presion enorma riba trahadonan caminda ta hunga cu nan sentimento, ya cu fin di lina di entre 10 pa 15 mas ta bay, tur esaki bou di presion.

Ta bin acerca cu Presidente di Parlamento mester stop di proteha e Miniter, laga e minister sconde tras di su lomba pero yama un reunion publico pa asina pueblo haya sa kico ta pasando.

Minister ta yama un conferencia di prensa scondi cu medionan di comunicacion cu ta cumbini su persona, den cual e ta bisa cu gobierno no ta di acuerdo cu e retironan aki pero no no ta tuma ningun accion pa realmente mustra cu gobierno ta para cu e trahadonan.

Djis algo pa gaña votadonan, pa gaña pueblo cu e ta contra pero Minister Oduber ta 100% na altura di loke ta pasando ya cu ta Dangui ta representa pais Aruba, e ta representa e unico shareholder cu yama Land Aruba.

E ta esun cu por duna opdracht y  bisa pa para e cos aki pero e no ta hacie, e ta coopera y dilanti di television e kier gaña comunidad cu no ta berdad, cu e ta para pa trahado, mescos cu algun Parlamentario di MEP.

Esaki ta e realidad tristo di Triple A y fraccion di AVP ta denuncia esaki y nos lo sigui denuncia a abuso aki, mas ainda di un Minister cu ta na altura di e situacion dificil aki na aeropuerto pero ta nenga di bin Parlamento pa duna pueblo un splicacion di kico ta pasando.

  

  Pero e Minister, den su burea- y den su departamentonan, e ta crea espacio pa duna ‘friends and family’ trabou, anto na Triple A laga nan bula cabes numa di tur hende, anto esaki pa fraccion di AVP ta inaceptabel,” Parlamentario Marlon Sneek a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio