Home » Aruba Off-Road Foundation ta lamenta comportacion durante weekend

Aruba Off-Road Foundation ta lamenta comportacion durante weekend

by Admin
0 comment 53 views

Aruba Off-Road Foundation a tuma nota di diferente accident y coremento iresponsabel den weekend dor di grupo nan cu a huur varios UTV pa bai off road. E comportacion aki ta wordo condena dor di AOF y ta trese pa dilanti un biaha mas e importancia pa bini cu regulacion mas estricto pa e conductor nan y compania nan cu ta permiti e comportacion aki.

AOF hunto cu su miembro nan a tuma nota di e plan pa e dia di off road aki y a urgi tur miembro cu ta den negoshi di huur pa hasi esaki cu cautela y hasta pa zorg cu tin tour guide cu e grupo pa sigura cu tur cos cana netjes. Di e manera aki por a tuma nota cu miembro nan di AOF a hasi nan best y ningun a forma parti di e actividad aki diasabra.

Ta importante pa enfatisa cu e tipo di off road aki no ta sostenibel. Pa es motibo AOF y su miembro nan ta sigui pidi cooperacion di parti di Gobierno di Aruba pa por yega na regulacion cu por trese un balans pa proteha naturalesa y a la vez permiti e recreacion aki den un manera segura y responsabel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio