Palm Beach – Diasabra anochi(9:30)
oktober 31 polisnan tawata man yen di asistencianan.
DVG tambe lo tawata ariba caya, haciendo e controlnan necesario pa cu e regla/protocol stipula di Social Distancing y Samenscholing.Â
Varios luga a wordo bishita y tawata tin algun luga cu no tawata sigui e reglanan stipula pa DVG. Tin establecimiento ta mustra ta ignora tur regla/protocol stipula y tawata haci locual nan kier.
E establecimiento YOLO a haya bishita di DVG, door cu e tawata sumamente yen y no tawata mantene su mes na ningun regla vigente. Aki ta unda polis a wordo avisa y mester a bay over na cera e luga.
Segun nos a compronde lo a duna esnan encarga cu e establecimiento chance pa tur hende sali.
Debi cu tawata tin un multitud grandi na e luga, varios patruya a bay eynan si presenta algun problema.
Varios minuut a pasa y ningun persona tawata bandona e sitio, ignorando polis totalmente.
Durante cu polis tawata haciendo su trabou nan ta tuma nota di un persona bisti cu mesun uniform di polis cu nan tin.
E persona aki a wordo deteni y a resulta segun nos a compronde un ex polis di fam Y.
No ta conoci si ta door cu e tawata tin e mesun uniform cu nan bisti e la wordo deteni of ta door di no sigui instruccion di polis.
Transportwagen a wordo pidi y e la wordo transporta pa warda di Strandpolitie.
No ta prome biaha cu e establecimiento aki no ta sigui e procedura/procedura stipula pa DVG.Â
Tampoco ta conoci si e luga aki a ricibi un boet.
