45 multa reparti diasabra anochi dor di unidad motorisa!
Diasabra anochi a cuminsa cu control reguroso Na altura di Lobby/Craft bar riba J.E Irausquin Blvd.
Na dado momento a bay Yolo bar na palm beach pa asisti DVG y patruyanan di Noord y Strandpolitie mirando cu e publico den e establecimiento no kier a sigi ordo di autoridad y e establecimiento no tawata cumpli cu protocolnan di DVG.
Despues a sigui cu control riba e parkeerplaats di Linear park y aki a reparti un cantidad di multa entre otro; documentonan cu no tawata na ordo y pa seatbelt.
Un chauffeur a dicidi di kita su yabi di auto for di e contacto, a laga e auto riba caminda y core bai laga paspoort atras.
Mirando cu e auto tawata para den caminda y tawata stroba trafico a dicidi di takel e auto.
Na dado momento a surgi un problema na unda a cuminsa tira boter ariba polis, pero di cual un persona masculino a wordo herida cu un kap na su cabes y tabata sangra. E persona no tawata kier asistencia di ambulance y a wordo yuda door di su amigo nan.
Despues di refuerso policial, polis a restablece orden publico na linear park.
Controlnan a sigi te despues di mey anochi den area di hotel pa mantene seguridad di nos pais na orden.
Nos por sigura nos comunidad cu unidad motorisa lo sigui controla na tur parti di nos isla, percura pa abo tin tur documento na ordo!
