Home Police Hoben herida despues cu e la bolter cu UTV na Bishiribana

Hoben herida despues cu e la bolter cu UTV na Bishiribana

SHARE

Bushiribana – Diasabra merdia algo prome cu 2’or polis y ambulance a wordo manda pariba di e ruina na Bushiribana, unda un UTV a bolter y tin hende herida.

Na yegada di polis, nan a topa cu un grupo di hoben local para rond di un amigo drumi ariba tera.

E persona herida lo tawata tin un herida serio na su brasa robes.

Na yegada di Paramediconan mesora nan a baha pa mira con serio e hoben ta.

Por a mira cu e hoben a wordo lanta cu ayudo y subi ariba e stretcher.

Na yegada di polis di trafico, e hobennan tawata mustra kiko a pasa cu e hoben a bay cay pafo durante e incidente.

Polis di trafico a tuma tur dato y ambulance a sali direccion Hospital cu e hoben.