Nan tawata biba un bida hopi isola den e ciudad Britanico Bracknell, un homber di 60 aña y su mama di 84 aña. E mama y yiu no a reuni of comunica cu famia pa dos aña. Despues cu nan a fayece, nan curpa a keda sinta riba sofa pa simannan largo, sin cu un hende a puntra pa nan. Nan curpa tawata den estado di descomposicion.
Trahadornan cu a cuminsa cu renovacion di e edificio na unda nan tawata biba, a bel mas bes na januari. Ningun hende a contesta. Te ora cu e concierge di e edificio a yama un locksmith, a haya e dos personanan.
E curpanan a wordo haya na januari pero te awor autoridadnan a caba cu nan investigacion. E anciana a fayece door di hipotermia, asina a resulta for di e investigacion. E motibo pa e morto di e yiu homber no por a wordo estableci. Recherche a investiga diferente scenario, pero no a haya indicacionnan cu ta mustra ariba un intruso of uzo di violencia.
Nan dos tawata tin poco paña bisti. Den e apartamento di baina tawata tin muebles. No tawata tin verwarming y nan electricidad a wordo corta.
E yiu homber tawata tin 1.100 euro den su saco. Den un bari di sushi den e cas a wordo haya un corant di 2 di december 2019. Toch e dia exacto di e famia di dos, no por a wordo estableci. Tampoco tawata posibel pa haya sa si nan a muri na mesun momento of despues di otro.
Fuente: De Telegraaf