Home Local Falta di etica 100%, ta loke Onder Inspectuer di polis Sra. Lisa...

Falta di etica 100%, ta loke Onder Inspectuer di polis Sra. Lisa Paskel (62) a demostra

SHARE

Shaba – Diahuebs atardi pafo di Warda di Shaba ariba parkeer plaats Onder Inspecteur Sra. Lisa Paskel Robles de Medina(62) den uniform di Polis kier a agredi un ciudadano.

Un reaccion completamente for di sla, perdiendo cabes, halando rosea pisa y usando palabra sushi.

Segun Sra. Paskel e ta fada, fada di kico no ta mucho conoci. Pero e a bay over na mustra con falta di etica su persona tin pa un cuidadano sin cu algo a pasa.

E miembro di prensa, manera tur medionan cu ta cubri suseso, tawata para pafo (na un distancia) y no den warda, cumpliendo cu su trabou ora cu e polis aki a bin ataka su persona. Manera nos a bisa anteriormente sin ningun motibo algun.

No ta prome biaha cu e señora aki ta ataca un miembro di prensa, locual no ta na su lugar debi cu cada ken tin nan trabou. Tanten cu no tawata strobando trabou di polis, no tin necesidad pa e agente actua di e moda aki contra ningun persona.

Diahuebs atardi e Sra. Paskel Robles de Medina (62) a papia palabra insolente sin tin algo pasando. Tipo di cosnan manera esaki bo ta wak den paisnan cu tin un dictador na mando y unda ta duna ordo pa actua contra prensa!

Ta importante pa nota cu e actitud abusivo aki sigur ta preocupante pa un persona di autoridad, awe ta cu un miembro di prensa y otro dia ta cu cualkier otro cuidadano e encontra.

Kizas e video cu a circula ayera, unda por mira un individuo partiendo mokete ariba tres agente policial, lo por a impulsa su persona pa baha su rabia ariba un otro?

Sigur e trabou di un agente policial no ta uno facil, pero no tawata tin motibo pa e agente aki baha su frustracion (o mal beis) riba un otro persona.

E video aki ta un evidencia palpabel y ta papia pa su mes. Awor e bala ta den tereno di Mando Policial pa tuma un decision.