ORANJESTAD – Awe mainta via video conference Corte di Husticia a trata e caso penal cu Ministerio Publico a cuminsa contra e homber psycologo C.(54), sospecha di a mishi cu un mucha homber di 15 aña. Aruba Native por a compronde cu aunke cu e psycologo ta desmeti di a mishi cu e mucha, Fiscal ta haya C. culpable y a exigi 2 aña di prison di cual 6 luna ta condicional.
E acusacion contra C. ta cu dia 15 di Mei 2020, e lo a mishi cu e mucha homber su parti intimo y hunga cu esaki te ora e mucha a keda cla. Hues a mustra cu tin declaracion di mama di e mucha, kende a bisa cu e tabata bibando serca e psycologo kende e conoce pa hopi tempo y nan ta trahando hunto. El a sali mainta y a laga su yiu den camber. Ora el a bolbe, su yiu a bay serca dje den camber y bis’e cu despues cu e mama a bay, C. a bay serca dje y a mishi cun’e. E mama a rabia y a bay reclama C. Segun declaracion di e mama, C. lo a pidi pordon na e mama y e mucha y a bisa pa laga e asunto te eynan. E mama a bisa C. cu cos no ta bay caba asina.
E sospechoso C. a reacciona den Corte bisando Hues cu loke e mucha a declara no ta asina. El a bisa cu el a bay den e camber y a haya e mucha ta hunga cu su mes y a keda cla. Segun C., e mucha a bis’e pa keda keto y no bisa su mama.
Hues a mustra cu tin declaracion di e amigo di C., J., kende tambe ta bisa cu el a mira C. a hinca rudia y pidi pordon. Hues a remarca cu despues J. a bay bishita C. 5 biaha na KIA y recien a duna declaracio na Hues Comisario caminda e ta bisa cu e no ta corda cu C. a pidi pordon y cu e mucha tabata hunga cu su mes den camber ora cu C. a drenta e camber.
Fiscal a bisa cu e ta haya C. culpable y cu e no ta kere e declaracion ultimo di J. El a mustra cu tanto e mama, e amigo di C., J., ta bisa cu C. a pidi pordon. Fiscal ta haya cu tin suficiente prueba di sosten y a exigi 24 luna di prison di cual 6 luna ta condicional cu nu tempo di prueba di 2 aiscal ta haya cu tin suficiente prueba di sosten y a exigi 24 luna di prison di cual 6 luna ta condicional cu nu tempo di prueba di 2 aña.
Hues a bisa cu e ta bay studia e caso y otro luna lo por spera sentencia.