Home Dutch Kingdom Relaciona cu e subida alarmante di Covid, Rutte: Pa baha e cifra...

Relaciona cu e subida alarmante di Covid, Rutte: Pa baha e cifra mas lihe lo mester bay mas leu cu na Maart

SHARE

 

E medidanan lo bai tin consecuencianan social enorme y lo mester bai dura mas cu un paar di siman, Mark Rutte a bisa diaranson den un debate cu Tweede Kamer. Medidanan mas esctricto toch no lo bai ocasiona un rebaho di e peso ariba e cuido pa pacientenan.

Varios partido den Tweede Kamer a puntra Rutte si e no ta bezig ta warda mucho largo cu medidanan. E gabinete kier warda un paar di dia pa mira si e lockdown parcial di 13 di oktober a duna su efecto. PvdA-voorman Lodewijk Asscher a bisa cu e tin e impresion cu e gabinete ta purba baha e cifranan mas poco poco posibel. “No ta miho pa tuma medidanan mas rapido y severo?” el a puntra.

Rutte no ta descarta cu otro siman lo bin cu medidanan nobo si e cantidad di contagio no baha. Pero segun e premier, no tin indicacion cu e pakete di dos siman pasa no a duna resultado. „Si esaki resulta di ta e caso, nos lo actua inmediatamente. Tur cos ta cla pa haci mas, esaki mi por garantisa boso.”

’Globalmente’ e ta bisa,’si bo kier pone pia riba brik, bo mester bai tuma medidanan cu lo bai mas leu cu esunnan di maart.’ Si durante e siguiente dianan no bin cambio lo bin medidanan mas severo, comparabel cu esunnan di maart, segun e premier.

Awor ta demasiado tempran pa midi e efectonan di e medidanan nobo, Rutte a bisa diamars anochi durante un conferencia di prensa cortico. Toch zorgminister De Jonge a laga sa cu e medidanan di 13 di oktober casi sigur lo keda vigente te december.

Fuente: De Telegraaf