Autoimmune dementia, cu ta forma 5% di tur caso di demencia, hopi vez ta wordo mal diagnostica.
Tin mas di 200 subtipo di of demencia. Y investigadornan a haya cu den un di nan, e confusion y perdida di memoria por wordo trata. E triki ta pa identifica e tipo di demencia…
Ora John Abraham su mente a cuminsa fay’e na fin di 2019, su famia inmediatamente a pensa lo peor. Abraham a gosa di un bon salud durante tur su añanan di pensioen, pero na edad di 80 diripiente el a haña dificultad pa completa su frasenan.
“Mi lo ta papiando cu hende y diripente e ultimo palabra no lo bin den mente,” e ta corda. “Mi a asumi cu esaki ta bin door di mi edad y mi tawata busca e mihor manera pa biba cune.”
Pero dentro di algun siman por a mira cambio den su comportacion. Abraham su famia ta corda, con e tawata pega soño diripiente durante conversacion, con e tawata grita comentarionan straño den publico, y con durante anochi e tawata lanta cada 15 minuut, tin bes halucinando.
Su yiu Steve tawata convenci cu su tata tawata tin demencia. “Locual mi no por a kere ta con rapido e tawata desaroyando. Tawata manera demencia ariba steroids.”
Demencia no ta un simpel malesa. Tin mas di 200 diferente tipo. Durante e decada cu a pasa neurologonan a bira mas interesa den un tipo particular, conoci como autoimmune dementia. Den e tipo aki, e sintomanan di perdida di memoria y confusion ta e resultado di un inflamacion di cerebro. Esaki ta nifica cu den cierto casonan e por wordo cura, y neurologonan ta mehorando nan capacidad pa identifike y trate.
Asina cu e tratamento cuminsa – cual tratamento por inclui steroids y otro forma di imunoterapia – pacientenan por bai for di e situacion di ta den un cas di anciano y no por comunica, pa bai traha y core auto atrobe. Esaki, segun Eoin Flanagan, neurologo na Mayo Clinic na Rochester, Minnesota, un di e poco centronan na mundo cu ta studiando autoimmune dementia.
Esaki ta un di e motibonan dicon e condicion aki, aunke raro ariba su mes – solamente 5% di tur caso di demencia – ta hopi importante pa identifica. E informacion ta sugeri cu hopi biaha ta faya pa identifike. Entre pacientenan di autoimmune dementia cu a wordo trata exitosamente na Mayo Clinic entre 2002 y 2009, 35% inicialmente a wordo maldiagnostica cu Alzheimer’s or Creutzfeldt-Jakob disease.
Ta un trend cu a bin ta surgi e ultimo 15 aña. Malesanan pa cual tin tratamento ta wordo diagnostica, for di epilepsia te na multiple sclerosis y psikiatria, y tur ta wordo causa door di anticuerpos cu ta pega ariba diferene parti di e cerebro y e sistema nervioso central.
“Esaki a bira un di e areanan mas excitante di neurologia. “Tin gruponan chikito den tur e gruponan di malesa aki, cu ta curable. Si bo ta un dokter cu ta trata demencia, un porcentahe chikito di bo pacientenan lo tin e condicion aki, y tambe si bo ta un psikiatra of dokter cu ta trata multiple sclerosis. Y cu e pacientenan aki bo por trata e causa door di suprimi e sistema imunologico.”
Fuente: The Guardian