Atake terorista na Francia

Awe, algo pasa di 9 or di mainta, a sosode un atake terorista na e basilica di Notre Dame na Francia.
E victima anciano cu a bin pa resa, practicamente a wordo decapita. Un sospechoso a wordo tira y deteni despues di e atake.
Ta wordo papia di “Islamo-fascism” y e sospechoso a ripiti incansablemente ‘Allahu Akbar’ (Dios ta lo mas grandi).”
Presidente Emmanuel Macron ta na caminda pa e escena. Francia su oficialnan anti-terrorismo a habri un investigacion di homicidio.
E atake a wordo compara cu e asesinato reciente di Samuel Paty, kende a wordo decapita cerca di su scol pafo di Paris algun siman pasa.
Polis no a descubri ainda e motibo pa e atake. Pero esaki ta sigi despues di dianan di protesta na paisnan Islamitico, causa pa Presidente Macron su defensa di cartoons Frances cu ta ilustra e Profeta Mohammed.
Dos di esnan cu a muri a wordo ataca den e misa, e señora anciano y un homber cu a wordo haya cu un corta na su garganta. Un señora a logra scapa bai na un cafe den vecindario, despues di a wordo hinca varios biaha, pero a muri mas laat.
Fuente: BBC News