Home » Kelder di horror descubri na Merca: Mayornan di criansa tawata hinca muchanan den haula

Kelder di horror descubri na Merca: Mayornan di criansa tawata hinca muchanan den haula

by Admin
0 comment 77 views

Michael Anthony Gray di 63 aña y su casa Shirley di 60 aña ta wordo sospecha di a abusa pa añas di mas di un yiu di criansa door di hinca nan den haula den un sotano.
E pareha mester a presenta e siman aki na corte. Nan a declara nan mes inocente.
E caso a bin dilanti na luna di mei di e aña aki ora un hende a yama polis despues di a mira un mucha homber canando su so riba caya na Roane County, Tennessee. E mucha a conta storianan straño tocante su situacion na cas, y asina un investigacion a cuminsa.
E pareha Gray a wordo aresta. Na e momento ey nan tawata tin tres mucha den nan cuido, pero esaki antes tawata cinco. Na Knox County a wordo haya e curpa di Jonathan, un di nan yiunan di criansa. Na 2017 a wordo haya ariba e tereno di e pareha, restonan mortal di un mucha muher. Michael Anthony y Shirley tawata su mayornan di criansa. Michael a conta agentenan policial, cu e mucha muher a muri un paar di luna despues cu el a wordo cera den e sotano. Michael a dera su curpa bou di un casita patras den cura.
E tres muchanan cu a sobrebibi e sotano di horror ta di edad di 11 te cu 15 aña. Esun di mas bieuw tawata sera pa 4 aña den e haula den e kelder cu tawata parcialmente bou awa. E tawata na straf pasobra supuestamente el a horta. E no tawata in contacto cu e otronan y tawata haya solamente algun pida pan blanco pa come y un tiki awa pa bebe.
E dos otro muchanan tambe tawata pasa mayoria di nan tempo hinca den e haula. Nan tur tawata tin retraso den nan crecemento y ningun di nan tawata bai scol.
E muchanan a wordo entrega na Child Protective Services. „No tin palabra”, asina un vocero a laga sa. ‘Mi ta asina agradecido na e persona cu a wak e mucha y a stop pa yude. Awor e muchanan ta na un caminda safe na unda nan ta wordo bon cuida.”
Fuente: De Telegraaf

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio