EAGLE BEACH, Aruba – Bucuti & Tara Beach Resort , e hotel di mas eco-certifica den Caribe ta creando un standard mundial como e prome hotel na mundo pa gana e prestigioso Global United Nations 2020 Climate Action Award for Climate Neutral Now . United Nations a haci e anuncio 9 a.m. CET via UNFCCC
secretariat (UN Climate Change) na Bonn, Alemania.
Pa e prome biaha den historia, un hotel ta e ganador di e premio
aki. Ganadornan previo ta inclui companianan y nombernan
reconoci internacionalmente manera Apple y Infosys, y proyectonan respalda door di banconan internacional. Door di haci Bucuti & Tara e prome hotel pa recibi e premio aki, UN ta señalando na henter mundo e efecto positivo cu cada miembro di sector hotelero – locual ta mas cu 10% di mundo su GDP – por haci pa combati global warming.
E programa Momentum for Change di UN ta un di e segmentonan di mas importante di e United Nations Climate Change Conference. E aña aki ta e di 10 aniversario di e premio y 510 organisacion y empresanan global a
participa.
Bucuti & Tara Beach Resort, Aruba: Bayendo Mas Leu Cu Carbon Neutrality ta e ganador entre tur e solicitudnan.
Cu solamente 104 camber y un solo propietario local, Bucuti & Tara no ta un hotel stereotipico cu respaldo di finanza corporativo. Riba su mes, Bucuti & Tara a investiga, busca y implementa iniciativanan sostenibel cu lo por wordo replica y adapta facilmente, locual a yama atencion di UN. Danki na esaki Bucuti & Tara tambe lo sirbi como un “ Lighthouse Activity ” entre e coleccion di recursonan inspirador y orienta den accion proporciona door di UN. UN ta spera pa asina por invita y facilita pa otro organisacionnan por haci uzo di e recursonan aki ora nan
kier cuminsa nan mes un trayecto di sostenibilidad.
“Mi ta felicita tur e ganadornan di e 2020 UN Global Climate Action Awards, cu ta constitui un prueba cu nan ta
adoptando medidanan den fabor di nos medio ambiente,” ta wordo conta door di UN Secretary-General António Guterres. “E ta emocionante pa wak cu e solucionnan sostenibel aki, cu ta reforsa mi yamada na un liderazgo decisivo riba e topico di medio ambiente den parti di gobiernonan, emporesnan y paisnan, y un recuperacion ecologico durante e pandemia di COVID-19. Ban sigui presiona pa construi un futuro mas sostenibel y husto pa
tur hende”.
“E ultimo ocho luna tawata sinti manera un soño malo tumando luga na tur parti di mundo,” Patricia Espinosa, UN Climate Change Executive, ta conta. “COVID-19 a cambia nos bidanan, economianan y e industria di naturaleza den tur continente – for di e cuidadnan di mas grandi te cu e pueblonan di mas chikito. E ta e menasa di mas urgente cu nos ta enfrentando como un humanidad awe, pero nos no por lubida cu cambio ambiental ta
e menasa di mas grandi cu humanidad ta enfrenta den largo plaso”.
“E convergencia di e dos crisisnan a habri un bentana di oportunidad pa nos por avansa, pa construi cuidadnan y
comunidadnan sigur, saludabel, berde y sostenibel”, Sra. Espinosa ta continua. “Nada ta ehemplifica esaki mihor
cu e ganadornan di nos premionan den 2020 cu ta continua di aporta asina hopi na combati e problemanan
ambiental cu nos ta enfrenta”.
Sostenibilidad no ta ‘plusje’
“Nos no ta den negoshi di turismo; nos ta den negoshi di naturaleza”. Doño/CEO di Bucuti & Tara, Ewald
Biemans, frecuentemente ta comparti su perspectiva, sea si e ta papiando cu coleganan den industria of si e ta
papiando riba un escenario internacional. Ta e diferencia den mentalidad aki combina cu su pasion y su continuo
esfuerzo pa ofrece un vakantie completo y di calidad halto, ta locual a haci cu Bucuti & Tara a bira e Hotel Nº 1 di TripAdvisor den Caribe, y na mes un ora, e hotel di mas eco-certifica den Caribe, y e prome y unico
carbon-neutral resort.
For di su prome stap, te na e escenario mundial
Aunke Bucuti & Tara ta riba e pida di mas hancho di Eagle Beach, si e nivel di lama continua di subi, e olanan lo por yega na e portanan di e hotel den 20-30 aña. Ewald ta conoci pa bisa, “Si nos no ta haci algo pa stop esaki di pasa, nos huespednan lo mester snorkel pa wak nos beach famoso!”
Biba na Aruba pa e ultimo 50 añanan, Biemans, kende ta naci na Austria, a habri Bucuti na 1987. Pronto e la nota
gruanan di construccion yegando mas serca di e beachnan y santo blanco y e la preocupa di e poco recursonan
natural di nos isla chikito. Door di cu Aruba a converti su mes rapidamente den un lugar di biahenan internacion (awe 90% di su GDP ta consisti di turismo), Biemans tawata sa cu e experiencia di vakantie mester a ta den harmonia cu planeta. Sino e isla lo wordo destrui. E la pone su atencion na su mes un propiedad, reuni su comunidad y e la compromete activamente na gobierno.
E la ocupa su mes, como ainda e ta sigui haci, cu investiga y pone den practica inicitiavinan cu tin un vision pa futuro. Cu un enfoke na “pensa globalmente, actua localmente”, un evento importante pa Ewald tawata e 1992 Earth Summit na Rio. Cu e aprobacion di Agenda 21 door di mas cu 170 leadernan di pais, e la sinti un impulso grandi pa haci un cambio su mes. Añana di iniciativanan a continua y cu e exito di su programanan di sostenibilidad, a yega otro invitacionnan pa comparti cu otronan locual e la haci y siña. Avanzando rapidamente na 2019, Biemans tawata aceptando e World Travel & Tourism Council’s Tourism for Tomorrow Climate Action Award. Na e WTTC Global Summit, locual a wordo presenta door di ex-presidente di Merca, Barack Obama, Biemans a wordo puntra pa presenta “E caminda pa neutralidad/net zero” pa asina mundo por siña.
Na e hotel solamente pa adulto, tres pilar ta prevalece: romanticismo, wellness y sostenibilidad. Cada dia huespednan ta bin di un di e 25 paisnan mundialmente y e resort ta vibra cu un ocupacion di 97% ful aña. Bucuti & Tara ta demonstra cu un vakantie memorabel y sostenibilidad ta funciona conhuntamente.
Relatividad: iniciativanan ampliabel y reproducibel
Como tur trayecto di sostenibilidad, Bucuti su prome dianan a inclui su prome stapnan practico. Un huesped Aleman tawata sorprendi cu Bucuti tawata bashando bleki y boternan di cerbes den cupnan di plastic di un solo uzo. Esey a laga un impresion significativo y poco despues, Bucuti a cuminsa cu su prohibicion di foam y plastic di un solo uzo. Esaki a tuma lugar hopi mas prome cu medionan di comunicacion popular a cuminsa discuti e topico
aki.
Pronto, cada proyecto di hotel a wordo examina cuidadosamente, y un Sustainability & Certificacion Manager a
wordo añadi full-time. Biemans pronto a busca certificacionnan ecologico mirando nan como un structura cu ta
proporciona e stapnan pa construi y crece un programa exitoso cu ta continua di brinda un ambiente sigur pa
huespednan y trahadornan mientras nos miedo ambiente ta wordo protegi pa futuro generacionnan. Durante e
ultimo añanan, e resort a logra obtene certificacionnan pa LEED Gold, ISO 14001 y 9001, Travelife Gold, Green
Globe Platinum cu e aña aki marcando e prome score perfecto den historia di Green Globe.
Logrando climate neutrality a rekeri un examinacion cuidadoso di tur e procedementonan operativo standard na
e resort, tanto como directo y indirecto pa emisionnan, por ehempel cu aparatonan di energia inteligente te cu
biahenan di negoshi. Aunke e resort tin e mayor proyecto di solar panels den e sector priva na nos isla, carbon
neutrality ta rekeri hopi mas cu esey. Algun aspectonan ta inclui:
● Regalando cada huesped un cantina di awa rehusabel, locual ta evita e potencial di 290,000 botter di
plastic di un solo uzo yegando Aruba su dump
● Awa sushi ta wordo limpia y ta wordo uza pa irigacion
● Porcionnan saludabel, locual ta encera haciendo porcionnan mas chikito y rasonabel pa deshaci di me
perdida di 30% di cuminda
● Eco-fitness treadmills y baisnan ta laga huespednan kima caloria mientras cu nan ta genera kilowatts cu
ta wordo manda directamente na e resort su power grid
● E optimisacion di compranan y transporte ta reduci envionan innecesario y compranan local ta
fundamental
● Trahadornan ta wordo incentiva pa haci uzo di transporte publico of pa core hunto
● Uzo di ekiponan di laba paña cu ta uza tecnologia di ozone cu ta rekeri ciclonan mas cortico pa laba,
menos awa y menos awa cayente
● Sistemanan di control di energia y sensornan den cambernan. Activa door di movecion y portanan pa
asina regula e consumo di energia y limita e rango di temperatura
● Desviacion di desperdicio. 62% ta wordo desvia di dump door di dona tur desperdicio di cuminda na un
criador di porko, reciclacion di glas y carton, reuitilizando/donando lino/serbete
● Un sistema di fria sostenibel. Flujo di refrigerante variable A/C a wordo instala, permitiendo e uzo di e
sistema solamente ora ta necesario
Na Augustus 2018, Bucuti a bira e prome y unico carbon neutral hotel den Caribe. Te e dia di awe e ta sigui como e unico den Caribe. E resort no ta wak esaki como su fin, encambio, e dia despues cu e la haya cu certificacion, e la cuminsa cu su mision pa bira carbon negative.
Logrando climate neutrality y continuando den su lucha
Bucuti & Tara su exito di sostenibilidad ta algo cu Biemans ta invita otronan pa uza como un recurso. E propiedad ta continuamente dunando presentacionnan na profesornan, studiantenan y cientificonan mes un facil y lihe cu nan lo duna dignatarionan y coleganan di industria buscando informacion pa implementa iniciativanan eco-friendly. Tur miembro di Bucuti su team ta capacita y ta forma parti di e resort su operacionnan
green, cada bendedor mester cumpli, y cada huesped ta wordo invita pa participa. Te asta cu e pandemia andante, Bucuti & Tara su standard di proceduranan sostenibel di operacion a pone un mayor importancia den brinda un protocol hi-tech y hospitalario cu ta mes un sigur pa su huespednan y trahadornan como pa planeta.
“Mi ta sumamente agradecido cu Bucuti & Tara Beach Resort ta e recibidor di e Global United Nations 2020
Climate Action Award for Climate Neutral Now,” Ewald Biemans, doño/CEO di Bucuti & Tara Beach Resort, ta
comparti. “Mi ta invita tur colega den industria hotelero pa uza nos como un recurso pa cuminsa y haci
sostenibilidad un pilar den nan operacionnan. Mi ta garantisa cu brindando un vakantie inolvidabel y
sostenibilidad por bai man den man”.
E ceremonia
Door di COVID-19, Climate Change Conference, cu ta un evento reconoci internationalmente y anual, lo wordo
transmiti virtualmente entre Nov. 23 – Dec 4, 2020. Bucuti & Tara lo wordo reconoci den persona na e 2021
United Nations Climate Change Conference, tambe conoci como COP26, door di cu e ta e di 26 United Nations
Climate Change Conference. E ta un programa cu lo tuma lugar na Glasgow, Scotland for di November 1-12,
2021.
Pa haya sa mas, bishita Bucuti.com.