Home » Aerolinea ta pone esnan cu nenga di bisti mondkapje ariba lista di terorista

Aerolinea ta pone esnan cu nenga di bisti mondkapje ariba lista di terorista

by Admin
0 comment 87 views

 

ATLANTA (GA) – E aerolinea Mericano, Delta Airlines, a pone 460 pasahero ariba un no-fly list cu normalmente ta pa teroristanan. E pasaheronan aki a nenga di bisti un mondkapje, asina Daily Wire a menciona, a base di un memo interno na e trahadornan, cu a cai den man di media Mericano.

„Door di e pandemia nos a haci nos best pa proteha nos hendenan, nos clientenan y nos contactonan”, Ed Bastian a informa trahadornan den e memo.

„Bistimento di un mondkapje ta un di e medidanan mas facil y efectivo cu nos por tuma pa evita transmision, y pesey Delta a pone esaki como algo obligatorio pa tur nos clientenan y nos personal. Desde un siman pasa, nos a pone 460 hende ariba nos no-fly-list, pasobra nan a nenga di tene nan mes na e exigencia di uzo di mondkapje.”

Na Merca, y tambe na otro partinan di mundo, regularmente ta surgi problema tocante medidanan imponi door di aerolineanan, principalmente ora ta trata di mondkapjes y otro medidanan cu tin di haber cu e pandemia di coronavirus. Na september un mama cu su yiu a wordo saca for di avion pasobra e mucha no kier a bisi su mondkapje. E aerolinea a ricibi un avalancha di critica pa e decision aki.

Fuente: De Telegraaf

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio