Lily Allen a lanza un sex toy y ta encurasha hende muhernan pa papia mas libremente tocante placer
Lily Allen a team up cu un marca di sex toy Aleman, pa lanza su propio sex toy, y habri e discusion tocante sexualidad femenino.
Den un instagram post diahuebs pasa, e cantante Britanico a anuncia su partnership cu e compania di sex tech Womanizer y e introduccion di “Liberty”, un vibrator color hot pink y oraño cu un prijs di $99.
Con diseñonan innovativo ta cambiando e industria di sex tech
Bansa di e introduccion di e vibrator aki, Allen a wordo apunta como chief liberation officer na Womanizer, y ta e cara di e compania aki su #IMasturbate campaign, cu ta encurasha acceptacion di sexualidad femenino.
“Sex toys ainda ta wordo mira como un topico taboo pasobra nan ta wordo relata na masturbacion y placer femenino. Ami ta haya cu placer femenino ariba su mes ainda ta un topico taboo,” Allen a bisa den un video, agregando cu e prome bes cu el a purba un sex toy tawata “groundbreaking.”
“E unico manera pa haci topiconan taboo stop di ta taboo, ta door di papia di nan abiertamente y frecuentemente, sin berguenza y sin sintibo culpabel,” el a agrega.
Womanizer ta un di e hopi marcanan cu ta trahando pa mehora e estetica di sex toys.
Durante e decada cu a pasa, un cantidad di companianan nobo ariba e mercado di sex toys a cuminsa traha pa ofrese consumidornan diseñonan diferente y innovativo, y den cierto casonan, desafia taboos tocante sexualidad.
Desaroyadornan continuamente ta experimenta cu diseño y ingenieria di producto, como tambe branding, pa crea technologia colorido, atractivo y asta cosnan cu bo por bisti na curpa. Nan ta spera cu esakinan lo ta mas propagandable y mas gusta pa clientenan.
“Mi ta spera cu e colaboracion aki lo hiba na pone hendenan sinti cu nan por papia mas abiertamente tocante masturbacion y cu si un hende manera ami por papia abiertamente tocante esaki sin berguensa e ora nan lo sinti mas inclina pa purba esaki pa nan mes tambe – esaki lo ta un mundo completamente nobo pa nos,” Allen a bisa.
Fuente: CNN