Home » Lider di AVP, mr. Mike Eman: Importante brainstorming scucha, pensa, recupera miho a inicia riba turismo economia y labor

Lider di AVP, mr. Mike Eman: Importante brainstorming scucha, pensa, recupera miho a inicia riba turismo economia y labor

by Admin
0 comment 62 views

 

 

 

Siman pasa a tene e di dos session di “brainstorming” den e cuadro di e proceso “SCUCHA PENSA RECUPERA MIHO” riba e tereno importante di turismo, economía y labor. Entre e expertonan cu a participa den e panel tabata sr. James Hepple, Managing Director di Tourism Analytics y Ex Director di AHATA, sr. Satish Daryanani, Presidente di Camara di Comercio, sr. Francis Saladin y sr. Randall Croes di e organisacion Comerciantenan Uni Aruba, sr. Jan van Nes di Aruba Gastronomic Associaiton y sr. Anselmo Pontilius, Mediador di Gobierno y ex-Presidente di Federacion di Trahadornan di Aruba.

 

Den representacion di partido AVP y su fundacionnan “Fundacion Mito Croes”, Fundacion Digna Laclé-Herera y Plataforma Hobennan Profesional, tabata presente Lider di Partido AVP, mr. Mike Eman, sra. Jennifer Arends-Reyes, mr. Gerlien Croes, mr. drs. RichRd Arends, sr. Robert Candelaria, sr. Marksonn Maduro y sr. drs. Gervais Rene Herdé. Conseheronan y secretariado di e evento presente tabata sra. Michelle Brooks y sr. Franky Hoevertsz.

 

Lider Partido mr. Mike Eman y parlamentarionan mr.drs. Richard Arends y Jennifer Arends Reyes a splica na incio di e Brainstorming cu e necesidad pa sali for di e crisis actual mas lihe y miho posibel ta grandi y urgente. E crisis medico a causa un daño grandi y mucho hopi hende a perde nan bida. E crisis economico y social ta ainda mas grandi y ta causando problemanan severo cu consecuencianan di largo plazo. E urgencia pa actua den forma uni y cu determinacion pa sali di e crisis aki, a haci cu AVP a pidi su fundacionnan “Fundacion Mito Croes”, Fundacion Digna Laclé-Herera y Plataforma Hobennan Profesional, pa hunto diseña un proceso cu lo tin como resultado plannan y proposicionnan cu lo por wordo carg’a pa mas tanto hende y organisacion posibel den nos comunidad cu ta posibel y cu lo haci uzo di e miho expertonan na Aruba pa e plannan ta mas efectivo a corto plazo.

 

E proceso “SCUCHA PENSA RECUPERA MIHO” cu a scohe pa sigui ta encera den su prome fase, cu ta scucha mas tanto hende posibel di tur parti di nos comunidad y expertonan local, riba tur tema cu ta relevante pa e recuperacion di Aruba for di e crisis causa pa COVID 19. Na augustus a cuminsa scucha expertonan riba e tema di COVID 19 mes y tur su consecuencianan pa otro areanan di bida den nos comunidad. E prome sesion di “brainstorming” aki produci e raport “COVID-19 den perspectiva”, cu recomendacionnan pa maneho di salubridad den un situacion similar na Aruba. E raport aki ya a wordo publica pa tur hende por lesa y usa. 

 

Lider di Partido mr. Mike Eman a invatisa cu e proceso di scucha expertonan y pueblo riba temanan importante pa futuro desaroyo di nos pais y pa e calidad di bida di hende den nos comunidad ta e dialogo necesario pa yega na un Paln di Rescate c uta basa riba un sentido di un causa común nobo c uta biba den henter nos comunidad.  A base di tur loke expertonan y pueblo trece dilanti riba tur e terenonan, lo traha plannan di maneho pa nos pais. Plannan cu no solamente lo ta basa riba experticio local, pero tambe riba e experiencia, anhelo y aspiracion di pueblo di Aruba.

 

Den e simannan cu ta bin e proceso di scucha lo sigui riba otro area y temanan. Nos lo tene comunidad informa di esaki. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio