Departamento di Asuntonan Economico, Comercio y Industria ta invita empresarionan pa forma parti na e Webinar di Holland House pa haya sa mas over di diffrenete oportunidadnan di haci negoshi na Colombia. Colombia ta cumpli un papel importante den economia global danki na su recurso humano, e calidad di su productonan y servicionan, su calidad como socio estrategico y aliansa comercial, acuerdonan di comercio liber y door di su conexion aereo y maritimo cu Aruba.
E pandemia a motiva hopi companianan na Aruba pa cuminsa mira pafo di Aruba pa haci negoshi. Colombia ta un opcion atractivo pa empresanan cu ta busca pa haci comercio na Latino America. Pa e motivo aki Departamento di Asuntonan Economico, Comercio y Industria den colaboracion cu Holland House Colombia ta organisa un Webinar pa tur nos comerciantenan haya sa mas di e oportunidadnan di negoshi den diferente sector, dia 30 di october 2020, 8:30- 10:00 am via Zoom y ta completamente gratis. Pa participa mester registra na: https://cutt.ly/HollandHouseColombia.
Pa mas informacion over di e Webinar por tuma contacto cu sra. Sharon Meijer via: [email protected]