ORANJESTAD Aruba, 24 oktober 2020. Den e Ministeriële Regeling di dia 22 di oktober Crisis Team a kita “toque de queda” y na su luga a introduci “gebiedsverbod”. E prohibicion aki tawata enfoca riba zona di beachnan publico entre e orario di 12or am pa 5or am pa evita aglomeracion di hende.
Entrante mañan 25 di oktober cu ta cuminsa awe nochi pa 12or, crisis team a amplia e “gebiedsverbod” y a incorpora aserca espacionan di parkeo (parking lot) of cualkier espacio similar cu ta accesibel pa publico entre orario di 12or di anochi pa 5or di mainta.
Crisis Team ta evalua continuamente cua ta e situacionnan cu por conduci na un posibel brote di covid un bez mas. Y pa e motibo aki cu ta introduci unda ta nesesario medidanan pa minimalisa contagio y yuda comunidad sigui controla Covid-19 riba Aruba.
Ta urgi comunidad pa tuma bon nota di cambio menciona aki riba cu ta drenta na vigor awe nochi pa 12or.