Home » Den Haag: Extra reunion di Ministerraad en coneccion cu coronacrisis

Den Haag: Extra reunion di Ministerraad en coneccion cu coronacrisis

by Admin
0 comment 53 views

 

DEN HAAG – Hefe di RIVM Jaap van Dissel, burgemeester Hubert Bruls como presidente di veiligheidsregio’s y director Kim Putters di Sociaal en Cultureel Planbureau (SCP) a uni nan mes na e conversacionnan cu e ministernan ta teniendo tocante coronacrisis. Awe lo a tuma lugar un extra reunion di ministerraad en coneccion cu coronacrisis.

E cantidad di contagionan ta sigui aumenta, a pesar di e medidanan mas estricto cu a wordo anuncia durante e simannan cu a pasa. Normalmente e kabinet no ta reuni durante e herfstreces di Tweede Kamer. Ta di spera, cu prome minister Mark Rutte lo duna un otro rueda di prensa diamars, pero un decision definitivo tocante esaki ainda no a wordo tuma. Mescos ta conta pa e Catshuisberaad di e premier, algun minister y expertonan, cu regularmente ta wordo teni ariba diadomingo.

E conversacion di diabierna ta tuma lugar den gruponan mas chikito pa trata e cantidad grandi di aspectonan di e coronacrisis. Despues lo sigui un reunion di ministerraad. Por spera cu Rutte lo duna su rueda di prensa semanal durante oranan di merdia.

Durante e dianan cu a pasa a cuminsa sinti e yamada pa medidanan mas severo, manera un lockdown mas estricto. E veiligheidsregio di Twente a boga pa esey diahuebs, mescos cu e Red Team, un grupo di cientifico cu ta duna conseho a peticion y tambe voluntariamente, tocante e coronacrisis.

Segun Red Team gobierno ta purba cu e strategia actual, di haya un balans entre un comunidad liber y minimalisacion di daño pa salud, pero esaki ta practicamente imposibel. E risico di esaki ta cu Hulanda lo bira e victima di un jojo-effect di recobra y entrega libertad, cu lockdowns cu lo keda bai y bin.

Fuente: De Telegraaf

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio