Durante e pandemia e cantidad di usuario diario di Snapchat a yega 249 miyon di persona, surpasando tur expectativa.
Snapchat ta bisa cu e app aki actualmente ta wordo uza door di ¾ parti di personanan di 13-34 aña, na Estados Unidos.
E ganancianan a subi na nivel di 52% den e mesun period aki, yegando 679 miyon dollar.
Un cambio discutibel den e diseño na aña 2018 a causa miedo pa e futuro di a app.
Pero e compania madre Snap a bisa cu su funcion di ‘augmented reality’, shownan y sport a hala atencion di companianan di propaganda. E compania a wak e balor di su sharenan subi cu 23% despues di e anuncio.
Snap su cifranan interno ta sugeri cu e ta yegando na mas di 90% di e populacion di “Generation Z” – esnan entre 13-24 aña – na Merca, y mas cu 60% di esnan di 13-34 aña den Reino Unido, na Francia, Canada y Australia.
“Ta parce cu, como resultado di e pandemia, hendenan tin mas tempo pa uza y crea contenido,” Ben Wood, chief analysta na CCS Insight, a bisa.
“E ultimo update aki di Snapchat ta sugeri cu e tin su beneficiarionan, pero tur wowo lo bai ta ariba sosten a largo plazo.”
Snap ta bisa cu su audiencia jong ta interesante pa companianan di propaganda y cu a pesar di un aña dificil pa propaganda, esaki a yuda.
E ta bisa cu varios marca y otro organisacionnan a uza e periodo di inseguridad aki como un oportunidad pa evalua nan gastonan di propaganda y a hinca nan placa den plataformanan cu ta comparti nan balornan empresarial.”
Cu esaki kizas nan ta referi na e boycott ariba Facebook na Juni y Juli pa motibo di su reglanan tocante hate speech of na TikTok’s su problemanan continuo cu gobierno Mericano y e miedo cu e por wordo prohibi.
Pero Snap ta bisa cu su exito ta debi na e entusiasmo pa su functionnan unico, manera ‘augmented reality’, cu a wordo accepta “mas lihe cu nos a imagina”.
