Nan a bisa cu e droga tin un balor di mas o menos 500 miyon dollar. Esaki ta e cantidad mas grandi di droga cu polis a yega di confisca den un pais Sur-Americano.
E cocaine a wordo haya den un container na Terport, un puerto priva den e ciudad di Villeta, cerca di e capital, Asunción.
Dos persona a wordo deteni, un di nan ta e director anterior di un canal di television estatal.
Con gangnan di crimen organisa ta adapta na e pandemia
Polis a bisa cu e cocaina, cu tawata paketa netjes den cahanan, a wordo haya den un di e 6 containernan. E 5 containernan cu ta resta, ainda ta den proceso di investigacion y polis no ta descarta cu esakinan tambe lo por contene droga.
Minister di Interior Euclides Acevedo a bisa cu e cantidad confisca for di e investigacion lo por ta mas cu tres ton.
Exportacion di charcoal, un producto latino americano, a bira un manera popular pa tapa traficacion di cocaine a traves di fronteranan internacional.
Mientras cu e destinacion final di e containernan tawata Israel, e cargamento lo mester a pasa prome via Buenos Aires, Argentina y despues via Antwerpen, Belgica, Sr. Acevedo a bisa.
Un tip for di Belgica a alerta polis di Paraguay tocante e cargamento di droga.
Oficialnan anti-narcotrafico Paraguayo ta pensa cu e cocaina a wordo hiba Paraguay cu avion desde Bolivia, e productor mundial mas grandi di e droga aki.
Paraguay pa añas ta un pais di transito pa droga. Algun di e gangnan criminal di mas notorio di Brazil, manera First Capital Command (PCC), a expande nan operacion den direccion di Paraguay.
E cantidad mas grandi di cocaina confisca na Paraguay anteriormente, tawata na February 2019 y tawata pisa 2.2 ton. E momento ey e droga tawata scondi den un vehiculo na e parti noord di e region di Concepción.
