Home » India: Homber cu tabata canando straño, a wordo gara cu tres bara di oro den su atras

India: Homber cu tabata canando straño, a wordo gara cu tres bara di oro den su atras

by Admin
0 comment 71 views

Kerala, India: Recientemente na aeropuerto di Kerala, un cuidad na India, autoridad a nota un homber canando basta straño,  e motibo tabata paso e homber aki tabata tin tres bara di oro y un pida oro mas hinka den su atras.

E sospechoso a yega Kerala for di riba un buelo di GoAir for di Dubai. E homber a wordo ristra y controla, pa motibo cu e douanenan a nota cu e tabata actuando sospechoso, especialmente su cana a hala nan atencion.

Mesora despues cu nan a cuminsa rist’e nan a bin haya, e motibo pakiko e homber tabata tin problema pa cana normal. E motibo tabata paso den su atras e la dicidi di sconde 3 bara di oro y un pida oro extra, tabata trata di 972 gram di oro. Grenspolitie a saca potret di e oro y a pone esaki riba twitter. E 3 baranan di oro y e pida oro extra a keda confisca y tin un balor di mas o menos 55 mil euro.

Riba e mesun buelo aki for di Dubai, douane a bolbe gara un otro homber cu oro, e homber aki tabata tin 1.47 kilo di oro, pero no ta conoci si e homber aki tambe tabata tin nan scondi den su atras of un otro caminda. Un dia despues un biaha mas autoridad a bolbe gara un homber cu 400 gram di oro den su jockey. Grens politie na India, hopi biaha sa gara contrabandistanan di oro y mayoria ta procedente for di Dubai.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio