Home » Caso di importacion di 110 kilo di cocaina banda di cas di Gobernador posponi

Caso di importacion di 110 kilo di cocaina banda di cas di Gobernador posponi

by Admin
0 comment 83 views

ORANJESTAD – Awe mainta mester a tuma lugar e caso penal contra e hombernan A.C., R.Z., K.W. y G.R. pero esaki no a sigui. Aruba Native por a compronde cu Ministerio Publico a apela contra e sentencia di Hues, kende a declara tur sospechoso liber. Fiscal a apela e sentencia pasobra e no ta contento cu e decision di Hues. El a exigi entre 5 y 7 aña di prison pa e grupo y awor tur ta liber.

Na Maart 2019, tratamento di e caso a tuma lugar caminda Fiscal a bisa Hues cu e ta haya legalmente proba cu dia 19 Mei 2018 e grupo A.C., R.Z., K.W. y G.R. a importa 110 kilo di cocaina y Polis a haya e droga na cas di A.C. na Casibari. E droganan tabata den dos icejug color blanco. E icejugs tabata ariba e boto cu a yega na e beach dilanti cas di Gobernador. Fiscal ta haya cu tabatin henter un organizacion pa trece e boto riba tera y hiba Casibari. A haya un I Phone blanco na e cas cu un cantidad di informacion hopi importante. E cellular aki tabata di un tal Angelo cu tabata den contacto cu G.R. For di whatsapp a ripara cu for Januari 2019 tabatin contacto. E mensahenan tabata mustra bon cla con e importacion di 19 Mei 2018 mester a sosode.

Fiscal a bisa cu G.R. y A.C. tabatin funcion organizatorio y a exigi 7 aña di prison pa cada un. Pa R.Z., kende recien tabata castiga pa droga, Fiscal a exigi 7 aña di prison y pa K.W. 5 aña di prison.

Hues na April 2019 a bisa cu e no ta haya suficiente proba. E ta haya cu Polis a faya den e investigacion y ta declara tur cuater sospechoso liber. Tur e cuater sospechosonan tabata hopi contento cu nan a haya nan libertad. Fiscal no tabata contento y a apela. Ta asina cu Hof a pospone e caso pa Januari 2021.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio