138
Awe mundialmente e casonan di Covid-19 a surpasa 40 miyon, segun e conteo haci pa Johns Hopkins University.
Globalmente tawata tin mas di 1.1 miyon morto. Estados Unidos te ainda ta e pais cu mayoria di casonan, yegando 8.2 miyon, cu casi 220.000 morto.
India ta number 2 na mundo, cu casi 7.6 miyon caso y mas di 110.000 morto. Brazil ta number 3, cu un cantidad di 5.2 miyon caso y mas di 150.000 morto registra.
Mientrastanto, European Centre for Disease Prevention and Control a raporta cu e cantidad di morto den area Economico Europeo a surpasa 200.000, cu un total di 4.8 miyon caso.
