Paradera/Sero Patrishi – Dialuna marduga un Kia Cerato a perde control debi na velocidad halto, rancando un palo di luz di tension halto. Esaki a causa cu un gran parti di area di Paradera y vecindario a keda sin coriente.
Ariba imagen di un security camera unda e accidente a sosode por mira con duro e Kia Cerato tawata bayendo direccion Sero Patrishi, y a perde control bay na su man robes dal contra un palo di Hoogspanning.
Esaki a causa cu no solamente coriente a bay pero Cable y Internet tambe a wordo afecto seriamente unda cu te den oranan di merdia un area grandi a keda sin Internet of Cable. Durante oranan di mainta te den oranan di merdia, por a mira trabounan andando di tanto Elmar y Setar pa re-establece e coneccion bek pa e esnan afecta.
Despues di e accidente aki e chauffeur a bandona e sitio, no sa si e tawata burachi y ta pesey e lo a move prome cu polis yega.
Segun informacion no oficial, un palo manera esun cu a wordo ranca lo por core den un 20 pa 30 mil florin !
