Home » ONSA di Venezuela batiendo alarma: Situacion peligroso cu e tanker FSO# NABARIMA, carga cu casi un miyon dos cien mil bari di crudo

ONSA di Venezuela batiendo alarma: Situacion peligroso cu e tanker FSO# NABARIMA, carga cu casi un miyon dos cien mil bari di crudo

by Admin
0 comment 115 views

E DIRECCION DI SEGURIDAD MARITIMO (DSM) di e ORGANIZACION NACIONAL DI SALBAMENTO Y SEGURIDAD MARITIMO DI E ESPACIONAN ACUATICO DI VENEZUELA – ONSA A.C. a bati alarma tocante e situacion di e tanker FSO#NABARIMA, cu actualmente ta situa dilanto costanan di Golfo de Paria y Trinidad & Tobago. E tanker ta transportando un cantidad di hidrocarburo(Hydrocarbon/Fossil fuel) equivalente na un miyon dos cien mil bari di crudo (190 miyon liter) y ta encontrando dificultad cu e riesgo di collapse, causando asina un catastrofe ambiental cu lo por afecta e area desde Isla de Patos te na e Archipelago de Las Aves, cu posibel daño tambe na otro estadonan cercano, manera Trinidad & Tobago, Boneiro, Korsow y Aruba.

Tanker FSO#NABARIMA, cu actualmente ta situa dilanti costanan di Golfo de Paria y Trinidad & Tobago

E tanker FSO#NABARIMA ta registra na Puerto La Cruz, Venezuela, no ta cumpli cu varios exigencia di mantencion y seguridad, y actualmente ta flotando den awa territorial di Venezuela, pues pa e motibo aki Venezuela a exigi e doño y operador di FSO#NABARIMA, kende presuntamente ta PDVSA y ENI (Ente Nazionale Indrocarburi) pa tuma immediatemente tur medida necesario pa preveni un daño medio ambiental a consecuencia di un posibel derrame of cualkier otro evento previsto, ocasiona pa FSO#NABARIMA.

Tambe a duna orden na e autoridadnan competente (INEA, MINEC, etc.) pa realisa investigacionnan, inspeccionnan y accionann necesario, pa por salvaguardia e ecosistema acuatico y costero, di un inminende collapse di e FSO#NABARIMA, cu actualmente ta wordo considera como un artefacto potencialmente capaz di ocasiona un catastrofe ambiental di caracter internacional.

A pidi tur miembro di comunidad relaciona cu espacionan acuatico pa colabodra cu e DIRECCION DI SEGURIDAD MARITIMO di ONSA VENEZUELA, door di manda cualkier portret, video of informacion veridico tocante e situacion, via e-mail: [email protected] of via Twitter (TW) of Instagram (IG): @onsavenezuela, cu e hashtag #NABARIMA.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio