Home Police Pickup cu bloki horta a keda confisca pa mas investigacion

Pickup cu bloki horta a keda confisca pa mas investigacion

SHARE

Montaña: Diasbra den oranan di anochi, un of mas persona lo a mira un pickup blanco double cabina, para sospechoso banda di un residencia den construccion, aparentemente esnan cu tabata cu e pickup lo tabata hortando bloki for di e residencia den construccion. Mesora na a pidi pa presencia di polis

E patruya di polis cu a bay direccion di e residencia den Construccion na Montaña a bay pasa tira bista den e bario di Seroe Janchi y a bin topa cu e pickup para banda di un cas, cu ta hopi conoci den e bario aki. Mesora e polisnan a pidi pa manda mas patruya, mirando cu ta trata di un adres conoci pa polis.

Dos persona sospechoso a sali for di e cas y a core bay direccion panort. Banda di e cas polis a bin topa cu algun bloki, nan a piki esaki y a hink’e den e pickup. Mesora nan a confisca e pickup y a pidi pa un takelwagen pa tow e y hib’e warda pa mas investigacion.