Palm Beach – Diadomingo den oranan di merdia, algo pasa di 12’or polis a wordo manda un adres na Palm Beach unda lo a sosode un accidente entre un bicicleta y auto.
Mesora polis a bay e adres y na yegada a bin topa cu e accidente. Tawata trata di un hobencito ariba su bais y un auto manera a wordo bisa anteriormente.
Polis a constata cu e hobencito no tawata tin nada di gravedad pero solamente algun rasca na su curpa. Agentenan a pidi pa un ambulance pa controla e mucha.
Na e sitio por a compronde di e chauffeur cu e lo tawata bayendo direccion nort y bay lora na man drechi y a topa cu e hobencito.
E chauffeur a purba maniobra pa nos dal e mucha, pero asina mes e hobencito a dal contra e bumper y cay.
Paramediconan na yegada a controla e mucha na e sitio mes. Despues di un rato mayornan di e mucha a yega e sitio, poco spanta mas cu claro.
E mayornan na un manera responsabel a splike e peligernan di core bais ariba caya, y tambe tawata comenta cu recientemente nan a bin biba eybanda.
