Home Police Polis a kita casi un total di 50 bais for di hobennan...

Polis a kita casi un total di 50 bais for di hobennan cu tawata causa molester

SHARE
Oranjestad/ Palm Beach  – Diabierna atardi den careda di 5’or polis a haye confronta cu un grupo grandi di hoben cu tawata ocasiona molester.
Tur e hobennan aki tawata den posesion di un bicicleta.
Aki ta unda tur e problema a cuminsa, esta cu nan bicicleta nan tawata core duro unda tin hende ta cana.
Algun rato prome segun nos a compronde e mesun grupo aki tawata den Playa, unda cu na un bon manera polisnan a papia cu nan.
Palm Beach/Hot Zone
 
Un rato despues e grupo aki a yega den area di Hotelnan y aki si cos a bay for di man.
Cerca di Paseo Herencia nan a cuminsa causa extra molester, mirando cu nan ta un grupo di mas o menos 50 mucha.
Posiblemente ora nan a scucha cu polisnan tawata na caminda nan a cuminsa move den tur direccion bayendo nort.
Varios unidad policial ariba a move den e area y asina a logra stop mayoria confiscando e bais nan.
Algun cu a logra pasa a wordo haya na Tres Trapi y eynan polisnan a atende cu nan y kita e resto di bicicletanan.
Polisnan a yega cu diferente vehiculo pa transporta tur bicicleta.
Pa haya e bicicletanan e hobennan lo tin cu presenta cu nan mayor y regla cu polis pa haya e bicicleta bek, esey ta si tur cos ta na ordo.