Home » Varios caso penal trata den Corte: Problema serio di maltrato di pareha na Aruba

Varios caso penal trata den Corte: Problema serio di maltrato di pareha na Aruba

by Admin
0 comment 62 views

 

ORANJESTAD – Den Corte di Husticia ta tratando varios casonan di maltrato di pareha. Hues a bisa durante tratamento di un caso cu e problema di maltrato di pareha ta un asunto serio na Aruba.

Aruba Native por a compronde cu den e caso aki tabata trata di e homber D. cu a maltrata su partner M. dia 13 Augustus 2018, siendo cu e partner tabata na estado. Ta asina cu entretanto e pareha ta bon cu otro. E partner M. a presenta den Corte y no kier a haci demanda di daño. 

Hues a bisa cu e dama M. a haci denuncia di maltrato, caminda e homber D. lo a dal’e wanta den cara. M. lo a bisa Polis cu D. a dal’e den cara y cu D. tabatin un arma den un tas.

Inmediatamente Arestatie Team a bay na e cas y haci investigacion. Nan no a haya e arma. A haya 34 bolita di cocaina den un tas. Segun D. el a haya droga abao. El a admiti di a dal M. algun wanta den cara.

Segun D., ora el a haya trabao, tur cos a cuminsa cambia. Ta asina cu Polis a hala su atencion cu un biaha mas e lo bay KIA. El a keda 7 dia sera na warda di Polis.

Hues a puntra D. ki garantia tin cu e maltrato lo no pasa mas. Segun D., si tin discusion y no tin solucion, e ta subi auto y ta dal un ronchi. El a bisa Hues cu cos ta bayendo bon.

Fiscal ta haya legalmente proba cu D. a maltrata su amiga y tabatin droga. Na opinion di Fiscal, D. tabata sa cu tabatin droga den e cas y a ward’e pa su ex amiga. Fiscal ta haya cu ta hechonan serio. Maltrato di pareha ta un asunto serio. Sinembargo Fiscal ta contento di scucha cu D. a cambia su comportacion y cos ta canando bon. Mirando e tempo cu e transcuri, Fiscal a bisa cu e no ta haya cu lo ta na su lugar pa D. bay sera. El a exigi 180 ora di trabao pa comunidad y 2 luna di prison condicional cu 2 aña di prueba.

Hues, despues di a scucha abogado a sera tratamento di e caso y a dicta sentencia di biaha. Hues ta haya legalmente proba cu D. a maltrata su pareha y tabatin droga. El a bisa cu D. mes a admiti. Hues ta haya cu aki ta trata di hechonan castigabel.

Hues a remarca cu na Aruba maltrato di pareha ta un problema serio. Sinembargo si mira con D. a cambia y cu e tin relacion cu e pareha ainda, Hues a confirma e exigencia di Fiscal. Hues a condena D. na 180 ora di trabou pa comunidad y 2 luna di prison condiciona cu un tempo di prueba di 2 aña.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio