Home » Dama chauffeur burachi a causa accidente y ta bisa polis cu ta awa so e la bebe

Dama chauffeur burachi a causa accidente y ta bisa polis cu ta awa so e la bebe

by Admin
0 comment 48 views

Tanki Leendert – Diahuebs anochi pa mas o menos 10:30 polis a wordo notifica di un auto cu tawata coriendo hopi malo ariba e caminda di Tanki Leendert.

Polis mester a bay cu urgencia debi cu e Honda Civic aki tawata coriendo asina malo cu nan tawata teme cu e un ora pa otro e lo accidenta.

Locual algun minuut prome nan tawata teme a bira realidad.

E Honda Civic color shinishi a dal contra un Suzuki. Un impacto hopi fuerte, unda cu e la ranca e wiel completamente di e Suzuki banda robes patras y alabes rancando wiel di e Honda tambe.

Despues di e impacto e Honda a sigui bay ariba y keda ariba un distancia grandi di unda inicialmente e la boks.

Polisnan cu a yega a topa cu un dama na stuur di e Honda. E dama tawata sumamente alegre y a bisa agentenan cu ta hopi awa e la bebe, mientras cu e agentenan tawata holor fuerte di alcohol indicando cu e dama ta bastante burachi cu e no sa mes kiko tawata pasando.

Agentenan a splike cu e ta bay wordo deteni y a bise su derechonan.

Transportwagen tawata otro banda di caminda wardando pa bay cu e dama.

Polisnan diariamente ta hayanan confronta cu chauffeurnan iresponsabel cu ta subi tras di stuur, sin sa cu nan lo por causa un accidente fatal, matando hende inocente.

Mesun cos cu e la dal contra e vehiculo aki, mesun cos e por a dal un peaton, un brommer of un ciclista mata.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio