Diahuebs dia 15 di october 2020 pueblo di Aruba un biaha mas tabata testigo di un maniobra dictatorial y anti-democratico pa deshaci di un minister. UPP den varios articulo a tilda e politiconan hulandes di ta haci “oneigenlijk gebruik” di cierto articulonan den nos Statuut. Ora nos a kere cu nos Parlamento hamas lo tuma e practicanan incorecto aki over, diahuebs nos por a experencia lo contrario.
Na maart 2020 Parlamento lo a yega na un areglo pa desvia riba e RvO di Parlamento pa loke ta trata e aspecto di presencia den Parlamento. Tur esaki en conexion cu e crisis di COVID-19. Un areglo cu por cierto ta bay linea recta contra di loke ta poni den nos Constitucion. Articulo III.16 inciso 1 ta bisa textualmente: “De Staten mogen niet beraadslagen noch besluiten, zo niet meer dan de helft van het aantal zitting hebbende leden ter vergadering aanwezig is”.
Inciso 2 di e mesun articulo ta bisa: “Besluiten worden genomen bij VOLSTREKTE meerderheid van stemmen”! Si lesa e MvT por lesa cu contrario cu Corsow, incluso ta tene cuenta cu posibel vacatura cu por tin!! Mirando cu no tin ningun vacature, e exigencia constitucional ta cu decisionnan ta bay segun “VOLSTREKTE MEERDERHEID”, esta 11 y no 10!!
Nos constitucion ta di un “hogere orde” cu e Reglement van Orde di Staten (RvO). E areglo pues ta “Inconstitutional” y pa colmo awor a haci maluso di dje tambe. Ki ora nos ta haya tipo di practicanan asina? Solamente ora cu bo ta den un skina y bo ta hasi “rare sprongen”. Ta tristo cu un Parlamento cu varios “meester in de rechten” ta presta nan mes pa combini un areglo asina. Ta bira obvio cu tin hopi “meester in de rechten” cu obviamente “de rechten NIET meester zijn”! Ora cu mi tende e argumentacionnan pa purba di hustifica e “blunder” aki, mi tin cu cualifica esakinan como un “juridisch kolder”!! Pa colmo di parti di dos hurista!
Aparte di e tendencianan dictatorial, UPP ta di opinion cu mas bien cueste loke cueste kier deshaci di minister Lopez-Tromp pasobra si e keda, mas puito lo sali for di e macuto di corupcion, mal gobernacion y patronahe politico. E forma di proceder door di e presidente di parlamento ta un ultrahe contra nos constitucion. Ora ta cumbini ta hala nos constitucion un banda den e caso aki pa baha un minister. E ta mas cu obvio cu e mocion di desconfiansa (MOCION CHE DI MEP) a sosode di un forma premedita. A usa e reunion encuanto spearfishing pa colga e minister, pasobra a desvia totalmente di e punto di agenda y e considerans di e mocion di desconfiansa ta simpelmente un RIDICULEZ con por yega na un dictum asina!!!
Dia cu a yama e reunion pa baha e minister mes,no a presenta cu e mocion di desconfianza pero den e reunion encuanto e spearfishing di carambola ta presenta un MOCION CHE DI MEP. Dicon no a invita minister Lopez-Tromp pa e reunion diamars ultimo dia cu a trata e punto di integridad den Parlamento? E dia ey e Minister Presidente den un “attack-mode” a para hunga e Bon Samaritano pero de facto ela traha e script pa shotdown di diahuebs pa core cu minister Lopez-Tromp por medio di e mocion CHE!!
Pa presenta un mocion CHE ta pone nos constitucion un banda, dicon pa e asunto di Ombudsman no a hasi mescos? Pa e Ombudsman si ta encamina e procedura perscirbi den nos Constitucion!! Pa core cu un minister ta djis pone nos constitucion un banda!! Nos por papia aki di INTEGRIDAD??
Ta hopi obvio cu aki nos por papia solamente di un buracheria di poder, pero tambe ta wordo demostra hopi cla cu tin HOPI COS DI SCONDE cu nan NO pa mira luz di dia!!!! Un biaha mas a wordo demostra cu e gobierno aki ta colga na un hilo cu no ta algo bon pa nos pais cu ta den crisis. Cada rato ta bira hopi obvio cu mester bin un otro tipo di gobernacion pa stop tipo di saltonan mortal asina. Mester uni y e partidonan grandi mester por “for once and for always” pone Aruba na prome lugar. E gobierno otro mester tin como tarea principal pa introduci e reglanan di Good Governance como un solo pakete y fragmenta manera awor djis pa un “windowdressing”! Of mester core cune pa den campaña parti tereno pa loco?
UPP a señala na varios ocacion di e tendencianan dictatorial di e gobierno POREDmep pero awor esaki a pasa pa Parlamento tambe. Si bo ta realmente kere den democracia, bo gevoel mester dictabo cu un maluso a wordo haci di un areglo ilegal.
Ta di spera cu e minister presidente para e tendencianan aki, apesar cu ta e ta dirigi henter e payasada of cu nos gobernador para esaki. No por sigui acepta e practicanan aki. Bo no por haci cu otro loke bo no kier pa otro haci cu bo.
Partido UPP
Booshi Wever
16 oktober 2020