Home » Mr. dr. Rycond Santos do Nascimento: Democracia participativo mas necesario cu nunca !

Mr. dr. Rycond Santos do Nascimento: Democracia participativo mas necesario cu nunca !

by Admin
0 comment 52 views

 

 

E Pueblo cu ta logra uni su ambicionnan, su sentimientonan y ideanan ta encontra un destino y un mission pa lucha p’e: un Causa Comun. Nos Pueblo tin mester di un Causa Comun, nos mester lanta cu fe y determinacion pa realiza un mihor Aruba, un Aruba mas fuerte cu nunca, un Aruba cu ta crea e posibilidad pa felicidad den cada hogar. Esey ta nos Causa Comun.

 

Asina e docente universitario mr. dr. Rycond Santos do Nascimento a splica e mision cu entre otro e instituto cu e ta dirigi, Fundacion Digna Lacle-Herrera, a accepta como e reto presenta dor di Lider di Partido AVP, mr. Mike Eman na dje y Fundaciona Digna Lacle Herera, Fundacion Mito Croes y Plataforma Hobennan profesional (PHP) pa den un proceso di consulta nacional yega na un Plan di Rescate pa Aruba. 

 

Mr. dr. Rycond Santos do Nascimento ta splica cu voz y pensamento di comunidad ta sumamente importante na e momento crucial aki pa Aruba. Esey ta haci un proceso di democracia participativo mas necesario cu nunca. “Bo voz y bo pensamento mester ta base pa un ambicion comun pa futuro. Bo voz y bo pensamento mester ta e fuente di un refleccion nacional cu lo conduci na un plan integral. Democracia ta exigi cu nos hendenan ta brainstorm riba e rumbo di nos Pais y riba e pasonan pa garantisa un futuro mas feliz di nos comunidad”, e ta invatisa.  

 

Na momento cu nos ta logra conecta nos necesidadnan y nos aspiracionnan den un Plan pa Futuro y na momento cu nos ta confirma nos compromiso cu un Plan di Rescate, nos ta libera e poder pa haci cambionan trascendental pa Aruba. Historia ta demonstra cu ora Pueblo logra vincula su ambicion, Pueblo por eleva su mes na un nivel mas halto y supera tur obstaculo, e professor constitucional ta accentua.

 

Lider di AVP, mr. Mike Eman hunto cu institutonan Fundacion Digna Lacle-Herrera (FDLH), Fundacion Mito Croes (FMC) y Plataforma Hobennan Profesional (PHP) ta anuncia Diahuebes anochi 7’or e proceso cu e partido lo encamina hunto cu e institutonan pa yega na un plan integral di recuperacion pa Aruba.  

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio