ORANJESTAD – Manera anuncia recientemente e buki ‘BaluArte’ ta riba mercado. Esaki ta un buki den cua a documenta historia di personanan y organisacionnan cu a duna un contribucion significante na desaroyo di cultura den e ultimo 65 añanan na Aruba.
E buki ‘BaluArte’ ta contene informacion di varios artista cu ta nos pilarnan cultural. Por lesa e historia di nos baluartenan y tambe e articulonan ta wordo acompaña pa un cantidad di potret. Ademas e buki ta contene historia di algun organisacion no gubernamental cu a bin ta trahando pa hopi aña riba tereno di cultura, manera por ehempel Cas di Cultura, Scol di Musica Rufo Wever y UNOCA.
Un invitacion ta bay na tur amante di literatura den Papiamento, coleccionistanan di buki produci na Aruba, personanan y instancianan riba tereno artistico y cultural y especialmente e futuro generacion, pa cumpra e documentacion historico aki cu sigur ta di gran balor. Si bo kier regala un hende un regalo special, algo cu bo por ta sigur cu nan lo aprecia y disfruta di dje, e miho regalo ta un buki ‘BaluArte’. E buki ta obtenibel na Cas di Cultura, Plaza Bookshop, Van Dorp y De Wit Stores na San Nicolaas y Oranjestad. E prijs di e buki ta 55 di BaluArte.
