Babijn – Diamars den careda di 6’or di mainta, habitantenan di Paradera y Babijn por a scucha sirena di Ambulance.
E ambulance aki tawata dirigiendo su mes pa un adres na Babijn, unda un persona lo a cay den baño y su situacion ta hopi serio. Polis tambe a wordo avisa y tawata na caminda pa e sitio.
Na yegada e Paramediconan ya no por a haci mucho mas pa e persona, debi cu e persona no tawata duna señal di bida mas.
E persona masculino, Albertico De Cuba (49) a fayece, despues di un caida basta fuerte den baño.
E paramediconan na e sitio a sigui cu e proceduranan normal y a avisa dokter.
Debi na algun detaye di e susedido, autoridad na e sitio no a confia y a avisa instancianan concerni manera BFTO cu ta departamento tecnico di polis pa haci mas investigacion.
Dia 12 di September ultimo e tata a fayece, y awor un luna despues ta e yiu.
Arubanative.com kier a extende su mas profundo palabranan di condolencia y hopi forsa na famia De Cuba, Gomes.
