Home » Merca: Pastoor deteni despues di a wordo gara haciendo actonan sexual cu dos muher riba altar

Merca: Pastoor deteni despues di a wordo gara haciendo actonan sexual cu dos muher riba altar

by Admin
0 comment 65 views

Louisiana, USA: Na Louisiana un pastoor a keda deteni siman pasa despues di a wordo gara ta haci actonan sexual cu dos muhe riba altar di un misa Catolico, e altar tabata decora cu lus y sextoys.

E incidente a tuma lugar algun dia pasa den Saint Peter and Paul Roman Catholic Church, na Pearl River. Un persona atento a pasa dilanti di e misa y a mira cu tin lus cendi den e misa, mesora ora e la bay mira na e bentana, e la mira tres persona haciendo actonan sexual riba e altar. Mesora ela pasa man pa su celular y a graba esaki y tambe a avisa polis.

Na momento cu polis a yega na e misa, nan a topa cu dos dama, nan tabata tin un corset bisti y boots di hilchi halto. Rond di e altar tabata tin lus manera cu nan lo tabata filmando un evento.    E pastor “Clark” kende ta for di 2019 pastor na e misa aki, no tabata e momento ey riba e altar. Un rato despues  e pastoor a aparece y a bisa polis cu e dos muhenan aki ta guest y amiganan di dje y cu ta su persona a dunanan permiso pa graba un rol den misa.

Polis a mira e grabacion for di riba e celular di e persona y mesora a aresta tur tres sospechoso, pa haci actonan inmoral riba altar di misa, cu tabata bon visibel for di riba caya.

Polis a identifica e tres personanan como Pastoor Travis Clark (37), Melisa Cheng (23) y Mindy Dixon (41) kende ta un actrice di peliculanan di adulto.

Dixon prome cu e la wordo aresta, a anuncia caba riba medianan Social cu e lo biaha pa New Orleans pa asina e susha un cas di Dios.

Clark kende ta for di 2013 pastor, a keda suspendi pa e obispado di su misa. Segun e leynan di misa na momento cu viola lugarnan Sagrado, nan mester wordo repara mediante un rito penitencial, prome cu lo por uze back.

Despues di e incidente, e Arzobispo Gregory Aymond di New Orleans a bishita e misa aki pa asina realiza un ritual pa restaura e santidad di e altar bek, cu ta e espacio mas sagrado den un misa.

Tur tres lo por spera un castigo di prison di entre 6 luna cu 3 aña si nan wordo haya culpabel.  Clark a wordo laga den libertad, pagando 25 mil dollar. Cheng y Dixon mester a paga cada un 7500 dollar.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio