Sabana Liber – Diadomingo anochi algo pasa di 8:30 polis a wordo informa di un accidente fuerte. Esaki lo sosode den e bocht conoci y peligroso na Sabana Liber.
Na yegada polis a topa banda panort di caminda un Toyota Tercel completamente kibra, e chauffeur tawata pafo di e auto y tawata mustra ok.
Durante cu polis tawata papia cu ne a ripara cu e tawata bou influencia. Aunke fisicamente bo lo no ripara nada.
Agentenan a sigui protocol y a pidi transportwagen.
Na e sitio nos a compronde cu muy probablemente debi cu e ta bou influencia a causa cu e la baha caminda y bay na su man drechi.
E auto a bay dal contra un mata di Kwihi, kibrando parti dilanti completamente.
Un mensahe pa DOW
Debi na e yobida fuerte recientemente varios area tin hopi tera ariba caminda.
Durante cu nos tawata na e Sabana Liber, den e bocht cu ta conecta pa bay Montaña autonan ta slip debi na e cantidad di tera ariba e caminda.
Esaki ta causa un situacion hopi peligroso, spera cu DOW por tuma nota y kita e tera for di ariba caminda.
