Un 9 kilo di heroina confisca na Airport y dos persona deteni

Dos persona lo a keda deteni na Airport, e dos personanan aki tabata tin mas o menos 9 kilo di heroina den nan poder y nan tabata biahando pa Merca.

Reina Beatrix Internacional Airport: Segun nos a compronde di un bon fuente, diasabra den oranan di merdia, dos persona a keda deteni na airport pa motibo di tabata tin mas o menos 9 kilo di heroina den nan poder.

Aparentemente ta trata di un pareha, un dama di inicial A. di 34 aña y un cabayero F.T. di 20 aña, nan lo tabata tin mas o menos 9 kilo di heroina den nan poder y nan lo tabata biahando pa Merca. E droga lo a wordo haya diferente caminda scondi, den maleta y tambe den sapato.

Ambos persona a keda deteni y pasa den man di recherche di droga pa mas investigacion.