77
Djasabra 10 di òktober 2020, alrededor di 07.15’or, Sentral di Polis a dirigí un unidat di Punda pa Scharlooweg, na unda a bin topa ku un hòmber ku no tabata duna señal di bida.
E hòmber aki tabatin herida grave na su kabes i den su serkania a bin enkontrá algun baranka di piedra.
Dòkter di polis ku a yega na e sitio, a konstatá morto di e hòmber Dennick Justino Gregorio Corsica, nase na Korsou dia 10 di mei 1977.
For di investigashon preliminar a sali na kla ku e hòmber aki probablemente a keda maltratá pa un òf mas persona, ku e konsekuensia ku el a bin fayesé debí na e heridanan ku el a sufri.
Riba òrdu di fiskal di Ministerio Públiko a konfiská e kurpa pa mas investigashon.