Noord
Diasabra anochi den careda di 11’or di anochi ex Minister Paul Croes un biaha mas ta wordo deteni, pero e biaha aki pa core auto bou influencia.
Meneer Croes tabata tras di stuur di su SUV y poco mas panort di e rotonde na Noord, e la pidi asistencia di Road Service pa motibo cu e lo tabata tin flat tire.
Na momento cu Road Service a yega nan a bin ripara cu Meneer Croes tabata basta bou influencia y te hasta a saca. E la bisa e personal di Road Service cu e la dal su auto un caminda y a kap su tire pero e no tabata sa na unda.
E personal di ForenSys a tuma e desicion di yama polis, esaki pa su propio siguridad y di otro.
Polis enberdad na yegada nan a bin topa cu e Ex Minister bastante di burachi y no a keda nada otro pa detene.
Cu transportwagen e la wordo hiba pa Warda di Shaba mientras su auto a keda staciona dilanti di hardware store na Noord.
Den caso Ibis Ex Minister Paul Croes ta un di e personanan cu a wordo sentencia pero e la bay den Hoger Beroep y ta pendiente di su caso.
