Camacuri – Diabierna anochi algo pasa di 9’or un accidente ta sosode dilanti Toyota na Camacuri.
Mesora a avisa polis.
Na e sitio polis a yega y topa cu Forensys.
Polisnan na yegada a topa cu un Kia Picanto color geel, completamente kibra dilanti debi cu e la dal hopi duro contra un palo di kwihi.
Na e sitio nos a compronde cu e Kia tawata bayendo direccion pariba, segun su version un auto tawata pasando bayendo direccion rotonde Las Americas.
E vehiculo cu tawata pasando no a logra drenta bek den su lane, causando cu e Kia Picanto a cera brake y kita bay na su man drechi dal hopi duro contra e palo di Kwihi.
Ambulance a presenta y mesora Paramediconan a baha y papia cu e chauffeur door di haci’e algun pregunta.
Despues nan a baha e stretcher y poco poco a sake for di auto y pone ariba e stretcher pa despues bay den Ambulance.
Polis di trafico tambe a presenta y a haci su trabou tumando datonan necesario.
E auto a wordo hiba warda cu takelwagen.