Kuerpo Polisial di Korsou ta informa: Búskeda di hòmber Venezolano pèrdí, e no a yega Venezuela tampoko

Polis ta pidi búskeda di e hómber, Jonathan Ramon Montilla Garcia (Toto), nasé na Venezuela di 23 aña di edat.

Dia 30 di yüli 2020, den oranan di anochi Jonathan a sali su kas na Sto. Domingoweg pa bai Venezuela ku boto pa bai wak su mama ku ta malu. For di 30 di yüli no a tende nada mas di Jonathan ni e no a yega Venezuela.

Polis ta supliká tur hende ku por duna kualke informashon tokante di Jonathan pa tuma kontakto ku polis na number di telefòn 917 òf na e number anónimo 108.