Home » A base di e siguiente informacion ricibi for di CIC N.V. : ALERTA PA CAMBIO DI RUTA ORANJESTAD-SAN NICOLAS (Pos Chikito y Rooi Lamoenchi)

A base di e siguiente informacion ricibi for di CIC N.V. : ALERTA PA CAMBIO DI RUTA ORANJESTAD-SAN NICOLAS (Pos Chikito y Rooi Lamoenchi)

by Admin
0 comment 66 views

Entrante dialuna 12 di october 2020, ta bai cuminsa cu e trabounan di construccion di un sorteer vak na haltura di e T-weg na Rooi Lamoenchi. Durante construccion lo bai tin desviacion di trafico for di 9’or di mainta pa 4’or di atardi. Pa desviacion lo bay cera e ruta Oranjestad pa San Nicolas for di Rotonde Pos Chikito te cu crusada di La Granja y pa trafico direccion Pos Chikito Noord y Rooi Lamoenchi.

Pa habitantenan di Sabana Basora, Pos Chikito Noord y Rooi Lamoenchi, lo tin borchinan di indicacion pa yega rotonde Pos Chikito pa asina haña acceso na caminda grandi. E acceso di Rooi Lamoenchi lo keda cera completo durante construccion.

Trafico direccion San Nicolas via rotonde Pos Chikito mester desvia via Spaans Lagoenweg y bira na man robes na crusada La Granja, pa asina bira na man drechi pa subi caminda grandi bek pa asina sigui den direccion San Nicolas.

Trafico direccion San Nicolas biniendo via brug di Spaans Lagoen (TeleAruba) lo mester desvia na man drechi pa subi Spaans Lagoenweg y bira na man robes na crusada La Granja, pa asina bira na man drechi pa subi caminda grandi bek pa asina sigui den direccion San Nicolas.

Trafico direccion Oranjestad via San Nicolas lo keda habri, ta pidi pa automobilistanan pa baha velocidad den e areanan di construccion.

Duracion di construccion lo ta aproximadamente 6 siman.

E desviacion di trafico ta cuminsa dialuna 12 di october 2020 y tin un duracion 3 dia.

DOW, C.I.C. N.V. y KPA ta pidi pueblo di Aruba y tur automobilista pa tene cuenta cu e desviacion ariba e ruta menciona y ta gradici pa e comprension.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio