Polis a detene un homber pa un caso di abuso sexual cual e la comete 12 aña pasa cu un mucha di e tempo ey di 8 aña. Despues di un dna-match a resulta cu e homber aki ta e sospechoso den e caso aki.
Molenwijk, Amsterdam: Diasabra 21 di Juni 2008, un mucha muhe di 8 anja a wordo sexualmente abusa, esaki a sosode na momento cu e mucha tabata bayendo su cas despues di un fiesta di bario.
Un homber riba un bais a logra convence e mucha muher di 8 aña pa drenta den un bosje (Mondi) y aki e homber a abusa di e mucha sexualmente, mesora cu e homber a caba e la huy for di e sitio. Despues di e sucedido aki autoridad a cuminsa cu un investigacion extenso y tambe tur prueba y material forensico colecta a wordo bon warda.
E caso aki e tempo ey a haci un impacto grandi riba e habitantenan di e bario. A pesar di e investigacionnan extenso y e atencion grandi cu e la logra haya den media. Autoridad no a logra e tempo ey di pone man riba niun sospechoso.
Recherche di e departamento di Zedendelict, durante cu nan tabata haciendo investigacion a logra haya un imagen di un sospechoso den e caso aki, e sospechoso aki a wordo sentencia pa e mesun tipo di delito. Pero despues a bin resulta cu no tabata tin suficiente prueba cu ta trata di e mesun homber aki.
Door di e tecnicanan mas moderno di DNA a pone cu e caso aki a bolbe haya un bida bek. E recherchenan di e departamento forensico di e Coldcase Team di Amsterdam, den cooperacion cu e Instituto Forensico di Hulanda (NFI), e aña aki durante un investigacion a logra haya e identidad di e sospechoso den e caso aki. Tabata trata di un homber di 61 aña kende anteriormente a yega di wordo sentencia caba pa delitonan di abuso sexual cu menor. E homber a wordo deteni y lo wordo interoga pronto.