Home » Entrevista cu Gino Frans: E otro banda di medaya di e adicto ambulante Arno Arduin

Entrevista cu Gino Frans: E otro banda di medaya di e adicto ambulante Arno Arduin

by Admin
0 comment 105 views

Recientemente, sali riba un otro media, un entrevista cu un señora cu tabata referiendo su mes na e adicto ambulante Arduin. E forma cu e dama tabata papia tabata duna un impression cu Arduin nunca lo a yega di haya ayudo y cu su famia tampoco lo no ta worry cu ne, poniendo asina un lus negativo riba e famia y varios otro instancianan na Aruba.

Mesora e famia a contact Sr. Frans pa por fabor mustra e otro banda di medaya, cu locual e Señora ta bisando no ta cuadra cu e berdad. E famia ta stima Arno, pero Arno mes no kier a ayudo. E famia tin hopi aña ta trata na yuda Arno, na varios ocasion e la wordo interna cerca Gino Frans na Stichting Eliezer y aparentemente na otro stichting tambe. E problema mas grandi ta keda cu Arno mes no kier ayudo y no ta keda pa hopi tempo interna, paso e ta bira agresivo y mester lag’e bek den libertad.

Na contrario di locual e Señora ta insinua, Arno ta un adicto ambulante, e ta sufri tambe di un malesa cu yama Huntington ziekte, esaki ta un spierziekte cu ta strob’e di move normal y e ta perde balansa. Algun siman atras pa motibo di su malesa e la wordo alcansa pa un auto, na momento cu e no por a controla su movecionnan y a subi caminda.

Segun sr. Frans, e dama lo ta haciendo un bon trabou di duna adictonan ambulante cuminda, pero no por haci manera cu nunca a yuda Arno. Gino ta conseha tambe pa ora un persona cuminsa cu un stichting pa yuda adictonan ambulante, lo ta bon pa acerca e otro stichtingnan cu tin mas tempo ta existi. Esaki pa asina haya sa mas over di e adictonan, prome cu cuminsa lansa acusacionnan cu ta crea un impression cu nunca na Aruba un stichting a haci algo pa un adicto.

Pa medio di e entrevista aki haci cu Gino Frans, nan kier bisa cu nan ta stima Arno hopi, e ta un adulto y ta e mes mester kier e ayudo. Pero cu semper nan ta cla pa yud’e.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio