Den e era audio -visual e manera mas efectivo pa desimina e información con pa mantene bo salud y evita plama malesa ta pa medio di medionan social.
Den e lunanan cu a pasa tawata tin un sinfín di información con pa keda proteha di Covid-19 y con pa evita di plama e virus pa otronan.
Sea cu e información yega pa medio di televishon, radio of medionan social, debi na e cantidadgrandi e información ta confuso y no mucha cla y tin biaha simplemente eroneo.
A sali na cla cu e manera mas efectivo pa comunica e información corecto, con pa proteha bo mes di Corona Virus, ta pa mantene e información simpel,haciendo uso di hopi ilustración y ofrece e información na diferente idioma. Tambe percura cu tur hende por compronde e información, di mucha te adulto.
Pa e motibo aki e anuncionan di servicio publico cu e Stay Well Resource Center di e Misa di Sciensiologia a pone disponibel ta birando asina popular. Por mira nan na televishon, riba pagina di Facebook, radio y nan ta wordo sigi pa tur esnan cu a yuda desimina e información.
E influencia di esaki ta notabel den e numbernan di casonan activa cu a baha drásticamente y e numbernan grandi di esnan cu a recupera después di a gana e batalla contra Covid-19.
Sr. Norben Giel, di Mas Noticia,a bisa lo siguiente di e anuncionan di servicio publico:” Ora mi a wak e videonan nan a mustra perfecto, bon información den cada video.” Inmediatamente ela post e prome video y a bisa:”Lo mi pone otro video riba nos pagina di facebook mayan mainta.”
No solamente medionan di noticia ta desimina e mensaje di “Stay Well”. E Ministerio di Boluntario di Freewinds ta percura pa e lugarnan na unda hopi hende ta acudi aki na Aruba tambe ta haya e videonan di Stay Well, entre otro scolnan, cu ta usando nan den nan klas y tambe ta post nan riba e facebook page di nan scol.
Sra. Ustelle Cornet di Commandeur Pieter Boer scol a bisa un di e boluntario di Freewinds:” E videonan aki ta hopi fácil pa compronde y nan ta hopi al caso, no manera otro videonan cu ta largo y hopi complica.”
E cabesante di Tarcicius Kleuter school,Sra.Angela Romero, ora e tawata wak e videonan di Stay Well a bisa inmediatamente:”Mi ta gusta nan, nan ta enfatisa e puntonan di protocol cu mi ta enfatisa na scol. Y ora e mayornan wak esakinan nan lo comprende mas di e protocolnan. E ta perfecto cu nan ta na spaño pues no ta bai tin ningún problema.”
Sra. Dyan Croes-Caster, cabesante na Colegio San Hose, a mustra su aprecio na e Ministerio di Boluntario di Freewinds. Ora nan a caba di desinfecta e scol y nan a dun’e e videonan di Stay Well ela bisa:” Na nomber di Colegio San Hose nos ta tuma e oportunidad aki pa expresa nos gratitud na e personal di Freewinds cu a desinfecta nos scol den e periodo difícil aki riba nos isla y pa yuda den e bataya contra e pandémico di Covid-19. Realmente nos ta inspira dor di boso compromiso personal pa hasi un diferencia den e temporada desafiante y sin precedencia.
Nos ta hopi agradecido na e personal di Freewinds Cruise Line durante e temporada difícil aki y nos kier extende un danki hopi grandi, riba tur nivel, pa e trabou cu boso ta eherciendo riba nos isla na tur e scolnan.”
“ Nos kier pa boso sa cu boso trabou ta hasi un diferencia”
Den e clinicanan local y den e centronan di Salud nan ta tumando un pasa mas grandi dor di usa e videonan di Stay Well pa duna seminario pa training di nan personal.
E supervisora di Laboratorio Familiar, Sra, Vivian Lozano, a bisa:”Hopi bon. Esakinan ta cosnan hopi importante pa sa y pa comparti! Mi ta duna un training diasabra awor na nos clínica y lo mi hasi uso di e videonan aki. Hopi dankio cu boso a bin.”
Tin 20 video di Stay Wel, obtenibel den 21 idioma, riba con pa keda saludabel,con pa mehora ora bo ta malo y con pa desinfecta corectamente pa mantene bo mes proteha.
Tur esakinan ta obtenibel online na e How To Stay Well Prevention Resource Center na www.scientology.org/staywell. Aki tur hende por haya informacion corecto.
“Un ons di prevención ta bal un ton di cura”semper mester keda den nos mente.
Pa haya sa mas di Freewinds,wak Inside Scientology: The Freewinds na The Scientology Network,(www.scientology.tv/series/inside-scientology/freewinds,html).
CONTACT:
Freewinds Port Captain
(727) 666 0645 Mobile/Whatsapp